ការប្រារព្ធពិធីដើម្បីរំលឹកខួប ពីរឆ្នាំនៃការស្លាប់របស់លោក ឈុត វុទ្ធី
ចេញផ្សាយ ថ្ងៃទី២៦ ខែមេសា ឆ្នាំ២០១៤
នៅថ្ងៃនេះ ក្រុមប្រជាពលរដ្ឋមកពីខេត្តកោះកុង និងរាជធានីភ្នំពេញ បានប្រារព្ធពិធីរំលឹកខួបនៃការស្លាប់របស់សកម្មជនបរិស្ថាន លោក ឈុត វុទ្ធី។ ថ្ងៃនេះ គឺគំរប់ខួប ២ឆ្នាំ ចាប់តាំងពីលោក ត្រូវបានគេបាញ់សម្លាប់ នៅខណៈដែលអមដំណើរជាមួយអ្នកកាសែត The Cambodia Daily ពីរនាក់ទៅស៊ើបអង្កេតករណីកាប់ឈើខុសច្បាប់នៅក្នុងតំបន់ព្រៃការពារ នៅជួរភ្នំក្រវាញ ខេត្តកោះកុង។
យុវជន និងព្រះសង្ឃច្រើនជាង ២០ នាក់ បានប្រមូលផ្តុំគ្នានៅមុខព្រះអង្គដងកើ រាជធានីភ្នំពេញ ដើម្បីបួងសួង និងឧទ្ទិសទៅដល់លោក ឈុត វុទ្ធី និងអំពាវនាវដល់រាជរដ្ឋាភិបាល ឲ្យបញ្ឈប់ការកាប់បំផ្លាញព្រៃឈើខុសច្បាប់ និងស្វែងរកយុត្តិធម៌ជូនចំពោះលោកវុទ្ធី។ កងសន្តិសុខ ត្រូវបានដាក់ពង្រាយ ទោះបីជាគ្មានអំពើហិង្សាកើតឡើងក៏ដោយ។ នៅខេត្តកោះកុង ដែលជាកន្លែងលោក វុទ្ធី ត្រូវបានសម្លាប់ ដោយរួមទាំងព្រះតេជគុណ លួន សូវាត បានប្រមូលផ្តុំគ្នាជាមួយសមាជិកសហគមន៍នៅតាមជនបទ យុវជន និងព្រះសង្ឍដទៃទៀត ប្រមាណ ៩៥ នាក់ ក៏បានប្រារព្ធពិធីរំលឹកខួបនៃការស្លាប់របស់លោក វុទ្ធីផងដែរ។
កងរាជអាវុធហត្ថ អិន រតនា ដែលត្រូវបានគេបាញ់ស្លាប់នៅថ្ងៃជាមួយលោក ឈុត វុទ្ធីនោះដែរ ត្រូវបានចោទថាជាអ្នកបាញ់លោក វុទ្ធី បន្ទាប់ពីមានការស៊ើបអង្កេតដែលពោពេញដោយភាពឆ្គាំឆ្គងជាច្រើនលើសលុប។
- ឯកសារទាក់ទង
- ចំណងជើង & មូលបទ
- ឃាតកម្ម ឈុត វុទ្ធី
