សកម្មជនសហគមន៍បឹងកក់ចំនួនបួននាក់ ត្រូវបានចាប់ខ្លួន
ចេញផ្សាយ ថ្ងៃទី២៩ ខែសីហា ឆ្នាំ២០១៤
នាព្រឹកនេះ នៅម៉ោងប្រហែល ៩ និង ២០នាទី សកម្មជនសហគមន៍ចំនួន ៤នាក់ មកពីសហគមន៍បឹងកក់ ត្រូវបានចាប់ខ្លួននៅវត្តចាស់ ខណ្ឌជ្រោយចង្វារ។ សកកម្មជនបានទៅកាន់ទីនោះដើម្បីគាំទ្រសហគមន៍ដីធ្លីមកពីខេត្តប៉ៃលិន បន្ទាយមានជ័យ បាត់ដំបង និងស្វាយរៀង ដែលកំពុងរៀបចំដើរហែក្បួនដាក់ញត្តិទៅកាន់រដ្ឋសភា និងសម្តេចនាយករដ្ឋមន្ត្រី នាព្រឹកនេះ។ សកម្មជនទាំងបួននាក់ ដែលត្រូវបានចាប់ខ្លួន មានកញ្ញា សុង ស្រីលាភ អ្នកស្រី ទេព វន្នី កញ្ញា ខែក ច័ន្ទរស្មី និងអ្នកនាង គង់ ចន្ថា។ អ្នកទាំងនោះ បច្ចុប្បន្នកំពុឃាត់ខ្លួននៅប៉ុស្តិ៍នគរបាលជ្រោយចង្វារមុនពេលត្រូវបានដោះលែងនៅមុនថ្ងៃ ត្រង់នេះ។ អ្នកត្រូវបានចាប់ខ្លូនម្នាក់ ត្រូវបានបញ្ជូនទៅកាន់មន្ទីរពេទ្យ កាល់ម៉ែត៕ ឥឡូវនេះអាជ្ញាធរបានបិទផ្លូវ ដោយមិនឲ្យអ្នកសហគមន៍ចេញទៅខាងក្រៅវត្តចាស់នោះទេ។
- ឯកសារទាក់ទង
- ចំណងជើង & មូលបទ
- សិទ្ធិដីធ្លី
