មន្ត្រីគណបក្សសង្គ្រោះជាតិ និងជាម្ចាស់វិទ្យុលើអ៊ិនធើណែត លោក មៀច សុវណ្ណារ៉ា ត្រូវបានចាប់ខ្លួន
ចេញផ្សាយ ថ្ងៃទី១១ ខែវិច្ឆិកា ឆ្នាំ២០១៤
មន្ត្រីគណបក្សសង្គ្រោះជាតិ លោក មៀច សុវណ្ណារ៉ា ត្រូវបានចាប់ខ្លួនដោយអាជ្ញាធរកាលពីព្រឹកមិញ នៅរាជធានីភ្នំពេញ ពាក់ព័ន្ធនឹងអំពើហិង្សានៅទីលានប្រជាធិបតេយ្យកាលពីថ្ងៃទី១៥ ខែកក្កដា។ លោកត្រូវបានឃាត់ខ្លួននៅស្នងការដ្ឋាននគរបាលព្រហ្មទណ្ឌកម្រិតធ្ងន់។
សុវណ្ណារ៉ា ត្រូវបានកោះហៅឲ្យចូលខ្លួនឆ្លើយបំភ្លឺដោយចៅក្រមស៊ើបសួរ លោក កែវ មុន្នី នៅមុខសាលាដំបូងរាជធានីភ្នំពេញ កាលពីថ្ងៃទី១ ខែវិច្ឆិកា ពាក់ព័ន្ធនឹងអំពើហិង្សានៅទីលានប្រជាធិបតេយ្យ។ ប៉ុន្តែ លោក បានចេញទៅបរទេសនៅពេលនោះ ហើយមិនបានមកចូលក្នុងតុលាការឡើយ។
ជាសរុប មន្ត្រី និងសកម្មជនគណបក្សសង្គ្រោះជាតិចំនួន ១៤នាក់ ត្រូវបានចាប់ខ្លួនពាក់ព័ន្ធនឹងអំពើហិង្សានៅទីលានប្រជាធិបតេយ្យកាលពីថ្ងៃទី១៥ ខែកក្កដា។
បច្ចុប្បន្ននេះ មានមន្ត្រី និងសកម្មជនគណបក្សសង្គ្រោះជាតិចំនួន ៣រូប កំពុងត្រូវបានឃុំខ្លួនដោយអាជ្ញាធរ៖ លោក អ៊ុក សំណាង ក្រុមប្រឹក្សាខ័ណ្ឌច្បារអំពៅ លោក ស៊ុំ ពុទ្ធី និងមន្ត្រីគណបក្សសង្គ្រោះជាតិ លោក មៀច សុវណ្ណារ៉ា។
- ឯកសារទាក់ទង
- ចំណងជើង & មូលបទ
- សិទិ្ធបញ្ចេញមតិ និងចូលរួម ដោះលែង ១៩ នាក់ អំពើនៅទីលានប្រជាធិបតេយ្យ ២០១៤
