ការដើរហែក្បួនធម្មយាត្រា - សិទិ្ធយាត្រាដែលដឹកនាំដោយព្រះសង្ឃ ដើម្បីប្រារព្ធទិវាសិទិ្ធមនុស្សអន្តរជាតិនៅប្រទេសកម្ពុជា
ចេញផ្សាយ ថ្ងៃទី២ ខែធ្នូ ឆ្នាំ២០១៤; ក្រុមសង្គមស៊ីវិលសកម្មជនសិទិ្ធមនុស្សប្រមាណជាង ៦០០ នាក់ ដែលត្រូវបានដឹកនាំដោយព្រះសង្ឃនឹងធ្វើការដើរហែក្បួនធម្មយាត្រា-សិទិ្ធយាត្រា លើដងផ្លុវជាតិចំនួន ៦ ឆ្ពោះមកកាន់រាជធានីភ្នំពេញ ចាប់ពីថ្ងៃទី៥ ដល់ថ្ងៃទី១០ ខែធ្នូ ឆ្នាំ២០១៤ ដើម្បីប្រារព្ធខួបលើកទី៦៦ នៃទិវាសិទិ្ធមនុស្សអន្តរជាតិ (IHRD)។សហគមន៍មួយចំនួនដែលទទួលរងគ្រោះពីជម្លោះដីធ្លីនានាសមាគមន៍ បណ្តាញសហជីព និងអង្គការមិនមែនរដ្ឋាភិបាលនានាក៏ដូចជាអ្នកភូមិនៅក្នុងសហគមន៍នៅទីជនបទ និងទីប្រជុំជននៅតាមដងផ្លូវជាតិ ក៏បានចូលរួមជាមួយអ្នកទាំងនោះផងដែរ។
នៅតាមដងផ្លូវ បន្ថែមពីការតស៊ូមតិសិទិ្ធមនុស្ស អ្នកចូលរួមនឹងចូលរួមនៅការផ្តល់នូវពុទ្ធឱវាទ និងសិទិ្ធមនុស្សវគ្គសំនួរចម្លើយ សំនួរល្បងប្រាជ្ញា និងកំណាព្យ។
ព្រះតេជគុណ លួន សុវាត បានមានសង្ឃដីកាថា៖ “ព្រះពុទ្ធសាសនា គឺជាសាសនាដែលការពារសិទិ្ធមនុស្សតាមរយៈគោលការណ៍សន្តិភាព សេរីភាព និងយុត្តិធម៌សង្គម។ សម្រាប់អត្មា ព្រះសម្មាសម្ពុទ្ធក៏ជាអ្នកការពារសិទិ្ធមនុស្សមួយអង្គផងដែរហើយខ្ញុំសូមធ្វើការស្នើសុំពីគ្រប់ព្រះសង្ឃទាំងអស់ ឲ្យក្រោកឈរឡើងចងជាធ្នង់មួយ ជាមួយសកម្មជនសិទិ្ធមនុស្សដទៃទៀត ដើម្បីយុត្តិធម៌សង្គម។”
នៅថ្ងៃទី១០ ខែធ្នូ គ្រប់អ្នកដើរហែក្បួនតាមផ្លូវជាតិទាំងអស់ នឹងមកជួបជុំគ្នានៅរាជធានីភ្នំពេញនិងបង្ហាញញត្តិរបស់អ្នកទាំងនោះទៅដល់រដ្ឋសភាជាតិ ក៏ដូចជាបង្ហោះប៉ោងប៉ោង និងច្រៀងបទភ្លេងជាតិផងដែរដើម្បីជូនជាដំណឹងដល់អ្នកតំណាងរាស្ត្រទាំងអស់អំពីសារនៃសិទិ្ធមនុស្សអន្តរជាតិនាឆ្នាំនេះ គឺ “ការគោរពសិទិ្ធមនុស្សនាំមកនូវសន្តិភាព!”
ក៏ជាផ្នែកមួយនៃព្រឹត្តិការណ៍សិទិ្ធមនុស្សអន្តរជាតិនាឆ្នាំនេះ សមាជិកសហគមន៍ជនជាតិដើមភាពតិចប្រមាណ ៣០០ នាក់ នៅខេត្តរតនគិរី រួមជាមួយព្រះសង្ឃ យុវជន និងអង្គការមិនមែនរដ្ឋាភិបាលជាច្រើនក៏នឹងចូលរួមរៀបចំព្រឹត្តិការណ៍ធម្មយាត្រា-សិទិ្ធយាត្រា ជាលើកដំបូងនៅទីនោះផងដែរ។
លោក ម៉ង វិចិត្រ ជំនួយការនាយិកាសមាគមខ្មែរលើ (Highlander Association) បានមានប្រសាសន៍ថា៖ “យើងមានអារម្មណ៍រំភើបឥតឧបមា ក្នុងការចូលរួមរបស់សហគមន៍ជនជាតិដើមភាគតិចទាំងអស់មកពីខេត្តរតនគិរីនៅក្នុងការដើរហែរក្បួនធម្មយាត្រា-សិទិ្ធយាត្រា នាឆ្នាំនេះ។” លោក បានបន្តទៀតថា៖ “ព្រឹត្តិការណ៍នេះ នឹងចាប់ផ្តើមនៅថ្ងៃទី៣ ខែធ្នូ នៅស្រុកអូរជុំជាកន្លែងដែលសហគមន៍ជនជាតិដើមភាគតិច នឹងសម្តែងរបាំប្រពៃណីរបស់អ្នកទាំងនោះ និងចែករំលែកនូវរឿងរ៉ាវអំពីជម្លោះដីធ្លីហើយនិងបញ្ហារំលោភសិទិ្ធមនុស្សផ្សេងៗទៀត ដែលកើតមាននៅក្នុងសហគមន៍របស់អ្នកទាំងនោះ។”
បន្ទាប់ពីព្រឹត្តិការណ៍នៅថ្ងៃទី៣ ខែធ្នូ គ្រប់អ្នកចូលរួមទាំងអស់ដែលមកពីខេត្តរតនគិរី នឹងធ្វើការដើរហែរក្បួនធម្មយាត្រា-សិទិ្ធយាត្រា ទៅកាន់ទីក្រុងបានលុងនៃខេត្តរតនគិរី នៅថ្ងៃទី៤ ខែធ្នូ ហើយបន្តដំណើរទៅទីរួមស្រុកកូនមុំ នៅថ្ងៃទី៥ ខែធ្នូ មុនពេលដែលអ្នកទាំងនោះទៅជួបជុំជាមួយក្រុមដើរហែរក្បួនមួយក្រុមទៀតនៅលើផ្លូវជាតិលេខ ៦ នៅថ្ងៃទី៦ ខែធ្នូ។ ជាចុងក្រោយ អ្នកទាំងនោះ នឹងប្រមូលផ្តុំគ្នានៅវិមានរដ្ឋសភាជាតិនៅថ្ងៃទី១០ ខែធ្នូ ដើម្បីដាក់ញត្តិទៅកាន់អ្នកតំណាងរាស្ត្រទាំងអស់ស្តីពីសិទិ្ធរបស់ជនជាតិដើមភាគតិច។
នៅក្នុងការប្រមើលមើលនូវព្រឹត្តិការណ៍នាឆ្នាំនេះ ព្រះតេជគុណ កែវ សុមាលី បានអំពាវនាវសូមឲ្យរាជរដ្ឋាភិបាល សូមមេត្តាគោរពនូវសិទិ្ធមនុស្សរបស់ប្រជាពលរដ្ឋកម្ពុជា។ ព្រះអង្គមានសង្ឃដីកាថា៖ “អ្នកការពារសិទិ្ធមនុស្សជាច្រើននៅទូទាំងប្រទេសកម្ពុជា កំពុងប្រឈមមុខនឹងអំពើហិង្សា ការបំភិតបំភ័យ និងការកម្រាមកំហែងកាន់តែច្រើនឡើងៗ ពីអាជ្ញាធររដ្ឋ ហើយសកម្មភាពនេះ ត្រូវតែបញ្ឈប់។ ជាថ្មីម្តងទៀត អត្មាភាពសូមអំពាវនាវដល់រាជរដ្ឋាភិបាលកម្ពុជា សូមលោកមេត្តាគោរពនូវច្បាប់របស់សាសនា និងសិទិ្ធមនុស្ស ដើម្បីធានាឲ្យមាននូវយុត្តិធម៌ សេរីភាព និងសន្តិភាពនៅក្នុងប្រទេសកម្ពុជា។”
ការដើរហែក្បួនធម្មយាត្រា-សិទិ្ធយាត្រា ជាច្រើនថ្ងៃ នាឆ្នាំនេះ នឹងត្រូវបានប្រព្រឹត្តិឡើងដោយចែកចេញជា ៦ក្រុមធំៗ ទៅលើផ្លូវជាតិចំនួន ៧ នៅក្នុងប្រទេសកម្ពុជា។ ក្បួនធម្មយាត្រា-សិទិ្ធយាត្រា នឹងចាប់ផ្តើមចាប់ពីចំនុចមួយចំនួនតាមបណ្តាខេត្តដូចខាងក្រោម៖
- ផ្លូវជាតិលេខ ១៖ ស្រុកកំពង់ត្របែក ខេត្តព្រៃវែង
- ផ្លូវជាតិលេខ ២៖ វត្តសោម ស្រុកគិរីវង្ស ខេត្តតាកែវ
- ផ្លូវជាតិលេខ ៣៖ វត្តដីក្រហម ភូមិដីក្រហម ឃុំបឹងនិមល ស្រុកឈូក ខេត្តកំពត
- ផ្លូវជាតិលេខ ៤៖ វត្តភ្នំពេជ្យនិល ឃុំត្រៃត្រយឹង ស្រុកភ្នំស្រួច ខេត្តកំពង់ស្ពឺ
- ផ្លូវជាតិលេខ ៥៖ វត្តឧទុមពរ ស្រុករលៀប្អៀ ខេត្តកំពង់ឆ្នាំង
- ផ្លូវជាតិលេខ ៦/៧៖ វត្តត្រពាំងព្រះ ស្រុកព្រៃឈរ ខេត្តកំពង់ចាម
សម្រាប់ព័ត៌មានបន្ថែម សូមទាក់ទង៖
▪ ផ្លូវជាតិលេខ ១៖ ព្រះភិក្ខុ អ៊ិន ពុទ្ធី, វត្តស្ទឹងមានជ័យ, ទូរស័ព្ទលេខ៖ ០១០ ២៥៨ ៦៩០
▪ ផ្លូវជាតិលេខ ២៖ ព្រះភិក្ខុ កែវ សុម៉ាលី, បណ្តាញព្រះសង្ឃឯករាជ្យ, ទូរស័ព្ទលេខ៖ ០៧០ ៧៧០ ៥៧៥
▪ ផ្លូវជាតិលេខ ៣៖ ព្រះភិក្ខុ ណាំ ចាន់ថេន, បណ្តាញព្រះសង្ឃឯករាជ្យ, ទូរស័ព្ទលេខ៖ ០៩៦ ៦៨៦៩ ៦៨៦
▪ ផ្លូវជាតិលេខ ៤៖ ព្រះភិក្ខុ ពិសិដ្ឋ ចៅសែន្យរដ្ឋា, វត្តចង្ក្រានតាព្រហ្មស្ទឹងមានជ័យ, ទូរស័ព្ទលេខ៖ ០៦៨ ៩៨១ ៩៩៩
▪ ផ្លូវជាតិលេខ ៥៖ ព្រះភិក្ខុ ថង ណារិទ្ធិ, វត្តនាគវ័ន្ត, ទូរស័ព្ទលេខ៖ ០៩៣ ៥៤៦ ២៥៨
▪ ផ្លូវជាតិលេខ ៦/៧៖ លោក ស៊ុម ម៉ាណែត, សម្ព័ន្ធសហគមន៍កសិករកម្ពុជា (CCFC), ទូរស័ព្ទលេខ៖ ០១២ ៤៦៥ ៧០៨
▪ ផ្លូវជាតិលេខ ៧ (ខេត្តរតនគិរី)៖ ព្រះភិក្ខុ ងីម សៅរិ៍សំខាន់, អង្គការធម្មទានសង្គម, ទូរស័ព្ទលេខ៖ ០៩៨ ៤៧៤ ៧៩២ / ០១៧ ៤៩៤ ៣២៤
▪ រាជធានីភ្នំពេញ៖ ព្រះភិក្ខុ ថង ណារិទ្ធិ, វត្តនាគវ័ន្ត, ទូរស័ព្ទលេខ៖ ០៩៣ ៥៤៦ ២៥៨
▪ គណកម្មាការមុខរដ្ឋសភាជាតិ៖ អ្នកស្រី ប៊ូវ សោភា, សហគមន៍បឹងកក់, ទូរស័ព្ទលេខ៖ ០៨៥ ៤៦២ ២២២
PDF៖ ទាញយកសេចក្តីថ្លែងការណ៍ជាភាសាអង់គ្លេស - ទាញយកសេចក្តីថ្លែងការណ៍ជាភាសាខ្មែរ
MP3៖ ស្តាប់សំឡេងជាភាសាខ្មែរ
- ឯកសារទាក់ទង
- ចំណងជើង & មូលបទ
- សិទិ្ធបញ្ចេញមតិ និងចូលរួម