នា​ឱកាស​យុទ្ធនាការ​ ​១​៦​ ​ថ្ងៃ​ ​និង​ទិវា​សិទ្ធិមនុស្ស​អន្តរជាតិ​ ​ឆ្នាំ​ ​២​០​២​២​ ​យើងខ្ញុំ​តំណាង​ឱ្យ​ក្រុម​អង្គការសង្គម​ស៊ីវិល​មិនមែន​រដ្ឋាភិបាល​ជាតិ​ ​និង​អន្តរជាតិ​ ​សមាគម​ ​សហជីព​ ​ដូច​មានរាយ​នាម​ខាងក្រោម​ ​សូម​ស្នើ​ដល់​រាជរដ្ឋាភិបាល​ដាក់​ចេញ​នូវ​ជំហាន​ជាក់លាក់​ ​ដើម្បី​អនុវត្ត​អនុសាសន៍​ដែល​បាន​ចែង​នៅ​ក្នុង​សេចក្តី​អង្កេត​សន្និដ្ឋាន​ចុងក្រោយ​របស់​គណៈ​ ​កម្មាធិការ​នៃ​អង្គការសហប្រជាជាតិ​ទទួលបន្ទុក​អនុសញ្ញា​ស៊ី​-​ដ​ (​គណៈកម្មាធិការ​ស៊ី​-​ដ​) ​ដើម្បី​លើក​ក​ម្ពស់​សិទ្ធិមនុស្ស​របស់​ស្រ្តី​នៅ​កម្ពុជា​ ​។​

​គណៈកម្មាធិការ​នៃ​អង្គការ​មិនមែន​រដ្ឋាភិបាល​កម្ពុជា​ ​ដើម្បី​អនុសញ្ញា​លុបបំបាត់​រាល់​ទម្រង់​នៃ​ការរើសអើង​លើ​ស្រ្តី (N​GO​-C​E​D​A​W​) ​និង​អង្គការសង្គម​ស៊ីវិល​ជា​ដៃគូ​ ​កំពុង​ចេញផ្សាយ​នូវ​របាយការណ៍​តាមដាន​ការ​អនុវត្ត​អនុសញ្ញា​ស៊ី​-​ដ​ ​សម្រាប់​ឆ្នាំ​២​០​២​១​ ​។​ ​របាយការណ៍​នេះ​បាន​លើកយក​នូវ​ចំណុច​ជោគជ័យ​ ​និង​បញ្ហា​ខ្វះ​ចន្លោះ​របស់​រាជរដ្ឋាភិបាល​ ​ចំពោះ​ការ​អនុវត្ត​អនុសញ្ញា​លុប​ប​បំបាត់​រាល់​ទម្រង់​នៃ​ការរើសអើង​លើ​ស្រ្តី (​អនុសញ្ញា​ស៊ី​-​ដ​) ​ក្នុង​អំឡុង​ឆ្នាំ​២​០​២​១​ ​។​ ​របាយការណ៍​នេះ​ផង​ដែរ​ ​ក៏បាន​រំ​លេចឡើង​នូវ​វឌ្ឍនភាព​ស្តីពី​ជំហាន​នានា​ក្នុង​ការ​អនុវត្ត​អនុសាសន៍​ ​ដែល​មាន​ចែង​នៅ​ក្នុង​សេចក្តី​អង្កេត​សន្និដ្ឋាន​ចុងក្រោយ​របស់​គណៈកម្មាធិការ​ ​ឆ្នាំ​២​០​១​៩​ ​ទៅតាម​ការពិនិត្យ​ ​ការ​អនុវត្ត​អនុសញ្ញា​ ​របស់​រាជរដ្ឋាភិបាល​ ​។​

​យើងខ្ញុំ​ទាំងអស់គ្នា​សូម​ធ្វើការ​សំណូមពរ​ដល់​រាជរដ្ឋាភិបាល​កម្ពុជា​មេត្តា​ដាក់​ចេញ​ជា​ជំហាន​ចាំបាច់​ ​ដើម្បី​ឆ្ពោះទៅ​រក​ភាព​ជោគជ័យ​ក្នុង​ការ​អនុវត្ត​សេចក្តី​អង្កេត​សន្និដ្ឋាន​ចុងក្រោយ​របស់​គណៈកម្មាធិការ​ស៊ី​-​ដ​ ​និង​ការធានា​ថា​គ្រប់​ស្រ្តី ​និង​អ្នក​ដែល​មិនកំណត់​អត្តសញ្ញាណ​យេ​ន​ឌ័​រ​ទាំងអស់​ទទួល​បាន​យ៉ាង​ពេញលេញ​នូវ​សិទ្ធិមនុស្ស​របស់​ពួកគេ​ ​។​

១) ​យើងខ្ញុំ​សូម​អំពាវនាវ​ដល់​រាជរដ្ឋាភិបាល​សូម​បង្កើត​ច្បាប់​ប្រឆាំង​នឹង​ការរើសអើង​ដែល​មាន​លក្ខណៈ​ពេញលេញ​ដោយ​ធានា​ឱ្យ​មាន​យន្ត​ការ​ច្បាប់​មួយ​សម្រាប់​អនុវត្ត​នូវ​សិទ្ធិ​របស់​ស្រ្តី​នៅ​ក្នុង​រដ្ឋធម្មនុញ្ញ​ ​និង​អនុសញ្ញា​ស៊ី​-​ដ​ ​និង​លុបចោល​នូវ​រាល់​មាត្រា​ទាំងអស់​នៅ​ក្នុង​ច្បាប់​ ​ដែល​ចូលជាធរមាន​ដែល​មិន​ស្របគ្នា​ទៅ​នឹង​សិទ្ធិ​ទាំងនោះ​ ​។​ ​យើងខ្ញុំ​សូម​សំណូមពរ​ដល់​រដ្ឋាភិបាល​ឱ្យ​ដំណើរការ​ការសិក្សា​វិភាគ​ជាប្រចាំ​អំពី​យេ​ន​ឌ័​រ​នៅ​គ្រប់​សេចក្តីព្រាងច្បាប់​ ​ឬ​គោល​នយោបាយ​នានា​ ​។​
២) ​យើងខ្ញុំ​ទាំងអស់គ្នា​នៅតែ​បន្ត​អំពាវនាវ​ ​សូម​ឱ្យ​មានការ​បម្រុង​ថវិកា​ជំនួយ​រយៈពេល​វែង​ចេញពី​ថវិកាជាតិ​សម្រាប់​អនុវត្ត​ការងារ​បញ្ជ្រាប​យេ​ន​ឌ័​រ​ ​ប្រយោជន៍​បង្កើន​សមភាព​យេ​ន​ឌ័​រលើ​គ្រប់​វិ​ស័យ​ ​។​
៣) ​យើងខ្ញុំ​សូម​សំណូមពរ​ឱ្យ​មាន​កិច្ចប្រឹងប្រែង​ជាក់លាក់​ ​ដើម្បី​ប្រយុទ្ធ​ប្រឆាំង​នឹង​ផ្នត់គំនិត​ដែល​ថា​ការ​សម្រុះសម្រួល​ក្នុងករណីនៃ​អំពើ​ហិង្សា​លើ​ដៃគូ​ស្និទ្ធិ​ស្នាល​ ​គឺជា​លទ្ធផល​ដែល​សមស្រប​ ​។​ ​រាជរដ្ឋាភិបាល​ចាំបាច់​គួរតែ​ធ្វើសកម្មភាព​ច្បាស់លាស់​ក្នុង​ការ​ធ្វើ​វិសោធនកម្ម​ ​និង​ពង្រឹង​ច្បាប់​ស្តីពី​ ​«​ ​ការ​ទប់​ស្កាត់​អំពើ​ហិង្សា​ក្នុង​គ្រួសារ​ ​និង​កិច្ចការពារ​ជនរងគ្រោះ​ ​»​ ​ដើម្បី​ឆ្លុះបញ្ចាំង​ថា​សិទ្ធិ​នៃ​អ្នកនៅរស់​រាន​ជីវិត​ពី​អំពើ​ហិង្សា​ស្របតាម​ទៅតាម​ជម្រើស​របស់​ពួកគេ​ក្នុង​ការ​ទទួល​បាន​ដំណោះស្រាយ​ប្រកបដោយ​ប្រសិទ្ធ​ភាព​ ​និង​យុត្តិធម៌​ ​។​
៤) ​យើងខ្ញុំ​នៅតែ​បន្ត​ទទូច​ស្នើ​ដល់​រាជរដ្ឋាភិបាល​ ​សូម​ឱ្យ​ផ្តល់​សច្ចាប័ន​លើ​អនុសញ្ញា​របស់​អង្គការ​ពលកម្ម​អន្តរជាតិ​ខាង​ផ្នែកការ​ងារ​ ​លេខ​ ​១​៩​០​ ​ស្តីពី​ ​«​ ​ការ​លុបបំបាត់​អំពើ​ហិង្សា​ ​និង​ការបៀតបៀន​ក្នុង​ពិភព​ការងារ​ ​»​ ​និង​ផ្តល់​និយមន័យ​ឱ្យ​ច្បាស់លាស់​ ​និង​គ្រប់ជ្រុងជ្រោយ​ ​និង​ផ្តល់​ការ​ដោះស្រាយ​សម្រាប់​គ្រប់​ទម្រង់​នៃ​ការ​
​បៀតបៀន​ ​។​
៥) ​យើងខ្ញុំ​បន្ត​សំណូមពរ​ដល់​រាជរដ្ឋាភិបាល​ ​សូម​បណ្តុះបណ្តាល​ដល់​ភ្នាក់ងារ​សន្តិសុខ​ទាំងអស់​ដែល​គាំទ្រ​ដោយ​រដ្ឋ​ ​ឫ​រដ្ឋបាល​រាជធានី​ ​ខេត្ត​ ​រួម​មាន​អ្នកគ្រប់គ្រង​ ​និង​អ្នកចាត់ចែង​ផ្ទាល់​របស់​ពួកគេ​អំពី​របៀប​នៃ​ការ​ប្រាស្រ័យ​ទាក់ទង​ជាមួយ​សាធារណជន​ ​និង​ជាពិសេស​ស្រ្តី​ក្រុម​អ្នក​តវ៉ា​ ​និង​សហជីព​ទ្រទ្រង់​សិទ្ធិ​ការងារ​បុគ្គលិក​កម្មករ​ខ្មែរ​នៃ​ក្រុមហ៊ុន​ណា​ហ្គាវើ​ល​ដ៍ ​តាម​បែប​អហិង្សា​ ​និង​ប្រកបដោយ​ឥរិយាបថ​គិតគូរ​អំពី​យេ​ន​ឌ័រ​ ​និង​ឱ្យ​បុគ្គល​ដែល​រង​ការចោទប្រកាន់​ពី​បទ​ប្រព្រឹត្ត​ហិង្សា​ ​និង​បៀតបៀន​ទទួលខុសត្រូវ​ចំពោះ​ទង្វើ​របស់​ ​ពួកគេ​ ​។​
៦) ​យើងខ្ញុំ​សំណូមពរ​ដល់​រាជរដ្ឋាភិបាល​ ​សូម​ឱ្យ​ផ្តល់​ធនធាន​ថវិកាជាតិ​ដើម្បី​ធានា​ថា​ស្រ្តី ​និង​អ្នក​ដែល​មិនកំណត់​អត្តសញ្ញាណ​យេ​ន​ឌ័​រ​ទទួល​បាន​ការថែទាំ​សុខភាព​ផ្លូវ​ភេទ​ ​និង​សុខភាព​បន្ត​ពូជ​បាន​ត្រឹមត្រូវ​ ​រួម​មាន​ការថែទាំ​សុខភាព​មុន​ពេល​សម្រាល​ ​និង​យុទ្ធនាការ​ចាក់​វ៉ាក់សាំង​ដល់​ស្រ្តី​មានផ្ទៃពោះ​ទាំងអស់​ដើម្បី​កាត់បន្ថយ​អត្រា​មរណភាព​មាតា​ ​និង​ទារក​ ​៕​

​សេចក្ដីថ្លែង​ការណ៍​រួម​នេះ​គាំទ្រ​ដោយ​៖​

​១​. ​សមាគម​អ្នក​បម្រើ​ការងារ​តាម​ផ្ទះ​ (​A​D​W​) 
​២​. ​សមាគម​គាំពារ​ស្ត្រី​ងាយ​រងគ្រោះ​ (​AS​V​W​)
​៣​. ​មជ្ឈមណ្ឌល​សិទ្ធិមនុស្ស​កម្ពុជា​ (CC​H​R)
​៤​. ​សហជីពកម្មករ​ចំណីអាហារ​និង​សេវាកម្ម​កម្ពុជា​ (C​F​S​W​F​)
​៥​. ​សហភាព​ការងារ​កម្ពុជា​(C​L​C)
​៦​. ​អង្គការ​កម្ពុជា​ដើម្បី​សុខភាព​ ​និង​ការអប់រំ​សហគមន៍​ (C​H​E​C)
​៧​. ​អង្គការ​ស​ម្ព័ន្ធ​ខ្មែរ​ជំរឿន​ ​និង​ការពារ​សិទ្ធិ​នុស្ស ​លី​កា​ដូ (​L​I​CAD​H​O)
​៨​. ​គណៈកម្មាធិការ​ដើម្បី​ការបោះឆ្នោត​ដោយសេរី​ ​និង​យុត្តិធម៌​នៅ​កម្ពុជា​ (​CO​M​F​R​E​L​)
​៩​. ​អង្គការ​យេ​ន​ឌ​័​រ​ ​និង​អភិវឌ្ឍន៍​ដើម្បី​កម្ពុជា​ (​GAD​C)
​១​០​. ​សមាគម​ប្រជាធិបតេយ្យ​ឯករាជ្យ​ ​នៃ​សេដ្ឋកិច្ច​ក្រៅ​ប្រព័ន្ធ​ (​IDEA​)
​១​១​. ​អង្គការ​ក្លាហាន​ (K​l​a​h​a​an​)
​១​២​. ​គណៈកម្មាធិការ​អព្យាក្រឹត​ ​និង​យុត្តិធម៌​ដើម្បី​ការបោះឆ្នោត​ដោយសេរី​ ​និង​ត្រឹមត្រូវ​ (N​I​C​F​E​C)
​១​៣​. ​គណៈកម្មាធិការ​នៃ​អង្គការ​មិនមែន​រដ្ឋាភិបាល​កម្ពុជា​ ​ដើម្បី​អនុសញ្ញា​លុបបំបាត់​រាល់​ទម្រង់​នៃ​ការរើសអើង​លើ​ស្រ្តី (N​GO​-C​E​D​A​W​)
​១​៤​. ​សមាគម​ថែទាំ​សុខភាព​គ្រួសារ​កម្ពុជា​ (R​H​A​C)
​១​៥​. ​អង្គការ​មជ្ឈមណ្ឌល​ស​ម្ព័ន្ធ​ភាព​ការងារ​ ​និង​សិទ្ធិមនុស្ស​ (​សង់​ត្រា​ល់)
​១​៦​. ​សមាគម​ការពារ​សិទ្ធិមនុស្ស​ ​និង​អភិវឌ្ឍន៍​នៅ​កម្ពុជា​ (​A​D​H​OC)
​១​៧​. ​មណ្ឌល​ព័ត៌មាន​ស្រ្តី​កម្ពុជា​ (​W​M​C)

សេចក្តីថ្លែងការណ៍នេះគាំទ្រដោយ៖
១. Association of Domestic Workers (ADW)
២. Association to Support Vulnerable Women (ASVW)
៣. Cambodian Center for Human Rights (CCHR)
៤. Cambodian Food and Service Workers’ Federation (CFSWF)
៥. Cambodia Labor Confederation (CLC)
៦. Cambodian Health and Education for Community (CHEC)
៧. Cambodian League for the Promotion and Defense of Human Rights (LICADHO)
៨. Committee for Free and Fair Election in Cambodia (COMFREL)
៩. Gender and Development for Cambodia (GADC)
១០. Independent Democracy of Informal Economy Association (IDEA)
១១. Klahaan Organization (Klahaan)
១២. Neutral and Impartial Committee for Free and Fair Elections in Cambodia (NICFEC)
១៣. The Cambodian NGO Committee on CEDAW (NGO-CEDAW)
១៤. Reproductive Health Association of Cambodia (RHAC)
១៥. Center for Alliance of Labor and Human Rights (CENTRAL)
១៦. Cambodian Human Rights and Development Association (ADHOC)
១៧. Women's Media Centre (WMC)

សម្រាប់ព័ត៌មានបន្ថែម សូមទាក់ទង៖
▪ អ្នកស្រី​ ​ជឹម​ ​ចាន់​នាង​, ​អគ្គលេខាធិការ​អង្គការ​ N​GO​-C​E​D​A​W​, ​ទូរសព្ទ​ 012 668 853
▪ អ្នកស្រី​ ​បុណ្យ​ ​រចនា​, ​នាយិកា​ប្រតិបត្តិ​អង្គការ​ក្លាហាន​, ​ទូរសព្ទ​ 089 476 146

PDF៖ ទាញយកសេចក្តីថ្លែងការណ៍ជាភាសាអង់គ្លេស - ទាញយកសេចក្តីថ្លែងការណ៍ជាភាសាខ្មែរ
MP3៖ ស្តាប់សំឡេងជាភាសាខ្មែរ