ការបដិសេធសិទិ្ធបោះឆ្នោត៖ការបន្លំភាព មិនប្រក្រតី និងការគំរាមកំហែង នៅក្នុងអំឡុងពេលបោះឆ្នោតជ្រើសតាំងតំណាងរាស្ត្រ ឆ្នាំ២០១៣
ចេញផ្សាយ ខែសីហា ឆ្នាំ២០១៣
 | ទាញយករបាយការណ៍សង្ខេបជាភាសាខ្មែរ (PDF, 4.97 MBs) |
 | ទាញយករបាយការណ៍សង្ខេបជាភាសាអង់គ្លេស (PDF, 4.93 MBs) |
 | ស្តាប់សំឡេងជាភាសាខ្មែរ |
របាយការណ៍នេះនឹងចងក្រងនូវលទ្ធផលពីអ្នកសង្កេតការណ៍ចំនួន១៧៣នាក់ ជាបុគ្គលិកនិងដៃគូដែលបានចុះទៅសង្កេតការណ៍តាមមណ្ឌលបោះឆ្នោតជាង១០០កន្លែង១។ នៅក្នុងប្រទេសកម្ពុជា មានមណ្ឌលបោះឆ្នោតចំនួន ១៩,០០៩មណ្ឌល។ ជាការពិត របាយការណ៍នេះមិនមានបំណងក្នុងការវិភាគឲ្យបានលំអិតទៅលើភាពមិនប្រក្រតីនៅក្នុងថ្ងៃបោះឆ្នោតនោះទេ ប៉ុន្តែគឺជាការផ្តល់នូវរូបភាពមួយចំនួនដែលបង្ហាញអំពីតម្រូវការការស៊ើបអង្កេតបន្ថែម។
ជារួម អ្នកសង្កេតការណ៍ បានរកឃើញនូវភាពមិនប្រក្រតីធ្ងន់ធ្ងរ មួយចំនួន ដែលស្ថិតក្នុងស្ថានភាពអាសន្ននៅតាមមណ្ឌលដែលអ្នកទាំងនោះបានឃ្លាំមើល។ បញ្ហាទាំងអស់ត្រូវបានចែកជា ៣ក្រុម សំខាន់ៗគឺ៖ ទីមួយគឺ ភាពមិនប្រក្រតីលើបញ្ជីឈ្មោះអ្នកបោះឆ្នោត រួមមានការបាត់ឈ្មោះដែលមិនមានមូលហេតុ និងការបដិសេធសិទិ្ធបោះឆ្នោត ទីពីរគឺការបង្ហាញឲ្យឃើញពីបំណងក្នុងការបន្លំសន្លឹកឆ្នោត និង ទីបីគឺការគំរាមកំហែង និងការរំខាន។
- ឯកសារទាក់ទង
- ចំណងជើង & មូលបទ
- ការបោះឆ្នោត
