សេចក្តីសង្ឃឹមរបស់កុមារ
ចេញផ្សាយ ថ្ងៃទី២០ ខែវិច្ឆិកា ឆ្នាំ២០១៤
នៅថ្ងៃនេះ ជាថ្ងៃប្រារព្ធទិវាខួបលើកទី ២៥ នៃអនុសញ្ញាអន្តរជាតិស្តីពីសិទិ្ធកុមារ (CRC)។ នៅថ្ងៃទី១៥ ខែតុលា ឆ្នាំ១៩៩២ រាជរដ្ឋាភិបាលកម្ពុជា បានផ្តល់សច្ចាប័នទទួលព្រមលើអនុសញ្ញា CRC នេះ ដោយសន្យានឹងការពារ និងលើកកំពស់សិទិ្ធជាមូលដ្ឋានទាំងបួនរបស់កុមារនៅទូទាំងប្រទេស៖ "សិទិ្ធក្នុងការរស់រានមានជីវិត សិទិ្ធក្នុងការអភិវឌ្ឍន៍ សិទ្ធិក្នុងការការពារពីឥទ្ធិពលអាក្រក់ ការរំលោភបំពាន និងការកេងប្រវ័ញ្ជ និងសិទិ្ធក្នុងការចូលរួមយ៉ាងពេញលេញនៅក្នុងជីវិតគ្រួសារ វប្បធម៌ និងសង្គម"។
នៅថ្ងៃនេះ អង្គការ លីកាដូ បានចេញផ្សាយនូវវីដេអូរបស់កុមារី សេង សុខឃីម ដែលមានអាយុ ១៦ឆ្នាំ និងជាកុមារដែលសកម្មក្នុងការលើកកំពស់ និងការពារសិទ្ធិកុមារនៅក្នុងសហគមន៍របស់នាងនៅឃុំ បាក់ខែង រាជធានីភ្នំពេញ។ សុខឃីម ជាសមាជិកបណ្តាញក្រុមការពារកុមារ (CPGs) របស់អង្គការ លីកាដូ ដែលធ្វើការជាមួយសហគមន៍ដើម្បីលើកកំពស់កុមារ ក្មេងជំទង់ និងយុវជន ដើម្បីឲ្យក្លាយជាអ្នកតស៊ូមតិផ្នែកសិទិ្ធកុមារ។
- ចំណងជើង & មូលបទ
- សិទ្ធិកុមារ
