សហគមន៍នានា ប្រារព្ធទិវាអន្តរជាតិសិទ្ធិលំនៅឋានឆ្នាំ ២០១៨
ចេញផ្សាយ ថ្ងៃទី៥ ខែតុលា ឆ្នាំ២០១៨សហគមន៍ជាច្រើននៅទូទាំងប្រទេស បានប្រារព្ធទិវាអន្តរជាតិសិទិ្ធលំនៅឋាន ចាប់តាំងពីថ្ងៃទី២៨ ខែកញ្ញា ដល់ថ្ងៃទី៥ ខែតុលា ឆ្នាំ២០១៨។ ប្រធានបទឆ្នាំនេះគឺ "ការគ្រប់គ្រងសំណល់រឹងនៅក្នុងទីក្រុង"។ ការប្រារព្ធទិវានាឆ្នាំនេះ ក៏មានផងដែរសកម្មភាពប្រមូលផ្តុំគ្នាដើររើសសម្រាម ក៏ដូចជាការពិភាក្សាអំពីសិទិ្ធដីធ្លី និងសិទិ្ធទទួលបានលំនៅឋានសមរម្យ។ មានប្រជាពលរដ្ឋប្រមាណ ២.០០០ នាក់ បានចូលរួម នៅក្នុងកម្មវិធីយ៉ាងតិចចំនួន ៣០ ដែលត្រូវបានរៀបចំឡើងដោយសហគមន៍មូលដ្ឋាននានា។ អាជ្ញាធរ ក៏បានហាមឃាត់ការរៀបចំកម្មវិធីរបស់សហគមន៍មួយចំនួនផងដែរ ដោយបានអះអាងថាអ្នកទាំងនោះរៀបចំឡើងដោយខុសច្បាប់ ហើយពលរដ្ឋមួយចំនួនទៀតបានសម្រេចចិត្តលុបចោលការរៀបចំកម្មវិធីវិញ ដោយសារទទួលការគម្រាមកំហែង និងបំភិតបំភ័យនានា។
- ចំណងជើង & មូលបទ
- សិទិ្ធបញ្ចេញមតិ និងចូលរួម សិទ្ធិដីធ្លី