កសិកររាប់រយនាក់ ចូលមករាជធានីដើម្បីដាក់ញត្តិអំពីជម្លោះដីធ្លី និងអំពើពុករលួយ
ចេញផ្សាយ ថ្ងៃទី២០ ខែកក្កដា ឆ្នាំ២០១៥នារសៀលនេះ កសិករប្រមាណ ២៥០នាក់ មកពីខេត្តស្វាយរៀង ព្រះសីហនុ និងតាកែវ បានប្រមូលផ្តុំគ្នានៅមុខវិមានរដ្ឋសភាជាតិ ដើម្បីដាក់ញត្តិពាក់ព័ន្ធនឹងបញ្ហាជម្លោះដីធ្លីនៅក្នុងខេត្តព្រះសីហនុ និងស្វាយរៀង។
ញតិ្តទីមួយក្នុងចំណោមញត្តិផ្សេងទៀត បានអំពាវនាវដល់រដ្ឋសភាឲ្យធ្វើការស៊ើបអង្កេតករណីជម្លោះដីធ្លីនានាដែលកំពុងកើតមានឡើងនៅក្នុងខេត្តស្វាយរៀង រួមមានអំពើពុករលួយរបស់មន្ត្រីនានាក្នុងការលួចលក់ដីរបស់កសិករឲ្យក្រុមហ៊ុនជាច្រើន ដែលបានរារាំងកសិករពីការទទួលបានប័ណ្ណកម្មសិទិ្ធដីធ្លី។ ញត្តិទីពីរ អំពាវនាវដល់រដ្ឋសភាឲ្យជួយដោះស្រាយជម្លោះដីធ្លីដែលកំពុងកើតមានឡើងនៅក្នុងខេត្តព្រះសីហនុ។ ជម្លោះដីធ្លីមួយចំនួនក្នុងចំណោមជម្លោះផ្សេងទៀត កើតមានឡើងតាំងពីឆ្នាំ ២០១១ ហើយបង្កផលប៉ះពាល់ដល់ពលរដ្ឋជិត ២.០០០ គ្រួសារ ក្នុងខេត្តទាំងពីរ។ បន្ទាប់ពីកសិករទាំងនោះបានដាក់ញត្តិតំណាងរាស្ត្រជាសមាជិកនៃគណៈកម្មការរដ្ឋសភា បានយល់ព្រមស៊ើបអង្កេតជម្លោះដីធ្លីទាំងនោះ។
នៅព្រឹកនេះ អាជ្ញាធរបានរារាំងក្រុមពលរដ្ឋមួយក្រុមដែលមានសមាជិក ២០០នាក់ មកពីស្រុករមាសហែក ខេត្តស្វាយរៀង ពីការធ្វើដំណើរមករាជធានីភ្នំពេញ ដើម្បីចូលរួមការប្រមូលផ្តុំនេះ។
- ចំណងជើង & មូលបទ
- សិទិ្ធបញ្ចេញមតិ និងចូលរួម សិទ្ធិដីធ្លី