អ្នកដឹកនាំសហគមន៍ត្រូវបានជំនុំជម្រះពីបទឈូសឆាយដីព្រៃរបស់រដ្ឋ
ចេញផ្សាយ ថ្ងៃទី១៦ ខែកញ្ញា ឆ្នាំ២០១៥តុលាការបើកសវនាការលើសំណុំរឿងបុរសពីរនាក់មកពីសហគមន៍អណ្តូងត្របែក ដោយចោទប្រកាន់ពីបទឈូសឆាយដីព្រៃរបស់រដ្ឋ នៅខណៈដែលកងសន្តិសុខ ក៏ដូចជាទាហានរាប់សិបនាក់ ត្រូវបានដាក់ពង្រាយនៅខាងក្រៅតុលាការ ដើម្បីរារាំងអ្នកគាំទ្រប្រមាណ ៤០នាក់ របស់អ្នកទាំងពីរ ពីការប្រមូលផ្តុំគ្នា។
លោក សួន សេដ្ឋា និង លោក សួន ហុងលី ត្រូវបានចោទប្រកាន់យោងតាមមាត្រា ៩៧ នៃច្បាប់ស្តីពីព្រៃឈើឆ្នាំ ២០១២។ ការចោទប្រកាន់នេះ គឺជាវិធីសាស្ត្រគម្រាមកំហែងលើសហគមន៍អណ្តូងត្របែក ដែលតែងតែតវ៉ាទៅលើជម្លោះដីធ្លីជាច្រើនដែលត្រូវបានបង្កឡើងដោយអាជ្ញាធរក្នុងតំបន់ (ដែលរួមមានទាំងមន្ត្រីរដ្ឋបាលព្រៃឈើផងដែរ) ចាប់តាំងពីឆ្នាំ ២០០៨។ សាលក្រមនៃសវនាការនាថ្ងៃនេះ នឹងត្រូវបានប្រកាសនៅថ្ងៃទី២៣ ខែកញ្ញា។
ការដាក់ពង្រាយទាហានជាច្រើន ដែលរារាំងសហគមន៍ពីការប្រមូលផ្តុំគ្នាដើម្បីគាំទ្រអ្នកទាំងពីរ នៅក្រៅតុលាការ បានក្លាយជាការអនុវត្តជាទូទៅនៅក្នុងខេត្តស្វាយរៀង នៅពេលណាដែលអាជ្ញាធរគិតថាមានហានិភ័យដោយមានការប្រមូលផ្តុំរបស់សហគមន៍នៅក្នុងក្រុង។
- ឯកសារទាក់ទង
- ចំណងជើង & មូលបទ
- សិទិ្ធបញ្ចេញមតិ និងចូលរួម សិទ្ធិដីធ្លី