សហគមន៍ជាច្រើនដែលមានជម្លោះដីធ្លីនៅខេត្តព្រះសីហនុ ធ្វើការតវ៉ាស្នើសុំជួបសម្ដេចតេជោនាយករដ្ឋមន្រ្តី
ចេញផ្សាយ ថ្ងៃទី៣ ខែសីហា ឆ្នាំ២០១៦នាព្រឹកនេះ ប្រជាពលរដ្ឋប្រហែលជា២០០ នាក់ មកពី១៨សហគមន៍ផ្សេងគ្នាដែលមានជម្លោះដីធ្លីនៅក្នុងខេត្តព្រះសីហនុបានមកជួបជុំគ្នានៅខាងក្រៅសាលាខេត្តព្រះសីហនុ។
ក្រុមប្រជាពលរដ្ឋបានស្នើសុំជួបសម្ដេចតេជោនាយករដ្ឋមន្រ្តី ហ៊ុន សែន ដោយសង្ឃឹមថា សម្ដេចនឹងធ្វើអន្តរាគមន៍ដើម្បីដោះស្រាយបញ្ចប់ជម្លោះដីធ្លីរបស់អ្នកទាំងនោះ។ រយៈពេលប៉ុន្មានសប្ដាហ៍ចុងក្រោយនេះ សម្ដេចតេជោនាយករដ្ឋមន្រ្តី បានធ្វើដំណើរទៅតាមគម្រោងទស្សនកិច្ចក្នុងខេត្តមួយចំនួន។
អ្នកតំណាងសហគមន៍ចំនួន១៧នាក់ និងបុគ្គលិកសមាគមការពារសិទ្ធិមនុស្ស និងអភិវឌ្ឍន៍នៅកម្ពុជា ហៅកាត់ថា (ADHOC) ម្នាក់ បានជួបប្រជុំជាមួយ ឯកឧត្តម ឈឹត សេងងួន ដែលជាអភិបាលរងខេត្តព្រះសីហនុ ហើយអ្នកទាំងនោះកំពុងតែរង់ចាំជួបជាមួយសម្ដេចតេជោនាយករដ្ឋមន្រ្តី។
អាជ្ញាធរក្នុងតំបន់កំពុងតែចាំឃ្លាំមើលការតវ៉ា ប៉ុន្តែមិនមានការបិទផ្លូវ ឬ មិនមានការប្រព្រឹត្តអំពើហិង្សានោះទេ។
- ចំណងជើង & មូលបទ
- សិទិ្ធបញ្ចេញមតិ និងចូលរួម សិទ្ធិដីធ្លី