សកម្មជនដីធ្លី អ្នកស្រី បុប្ផា បានប្តឹងសារទុក្ខទៅតុលាការកំពូល
ចេញផ្សាយ ថ្ងៃទី១៨ ខែមិថុនា ឆ្នាំ២០១៣សកម្មជនដីធ្លីនៅតំបន់បឹងកក់ អ្នកស្រី យ៉ោម បុប្ផា ដែលត្រូវបានឃុំខ្លួន បានដាក់ពាក្យបណ្តឹងសារទុក្ខទៅតុលាការកំពូល កាលពីថ្ងៃទី១៧ ខែមិថុនា ឆ្នាំ២០១៣ បន្ទាប់ពីមានការផ្លាស់ប្តូរ ឬកាត់បន្ថយទោសពន្ធនាគារដែលរយៈពេលពីរឆ្នាំរបស់អ្នកស្រី។ អ្នកស្រី ត្រូវបានផ្តន្ទាទោសដោយសារអ្នកស្រី ត្រូវបានគេអះអាងថាបានចូលរួមក្នុងសកម្មភាពហិង្សា ប៉ុន្តែនេះត្រូវបានគេជឿជាក់ថា ការចោទប្រកាន់ ត្រូវបានធ្វើឡើងដើម្បីតបតនឹងភាពសកម្មនិយមទៅលើសិទិ្ធដីធ្លីរបស់អ្នកស្រី។
អ្នកស្រី បុប្ផា ត្រូវបានចាប់ខ្លួននៅខែកញ្ញា ឆ្នាំ២០១២ ហើយផ្តន្ទាទោសពីបទ “ហិង្សាដោយចេតនា” នៅខែធ្នូ។ នៅពេលនោះ អ្នកស្រី ត្រូវបានផ្តន្ទោទោសឲ្យជាប់ពន្ធនាគាររយៈពេល បីឆ្នាំ។ កាលពីថ្ងៃសុក្រ ទី១៤ ខែមិថុនា ឆ្នាំ២០១៣ សាលាឧទ្ធរណ៍ បានធ្វើការព្យួរទោសរបស់អ្នកស្រីរយៈពេលមួយឆ្នាំ ដែលនេះមានន័យថាអ្នកស្រីនឹងត្រូវបានដោះលែងនៅខែកញ្ញា ឆ្នាំ២០១៤។ ទាំងសវនាការនៅសាលាដំបូង និងសាលាឧទ្ធរណ៍លើសំណុំរឿងរបស់អ្នកស្រី បុប្ផា សុទ្ធតែបានប្រព្រឹត្តទៅដោយមិនមានភស្តុតាងគ្រប់គ្រាន់ (ទោះបីជានៅក្នុងបរិបទនៃប្រជាពលរដ្ឋកម្ពុជា) ហើយសវនាការទាំងពីរបានរក្សាការចោទប្រកាន់នេះលើអ្នកស្រី។
អ្នកនាង ណាលី ពីឡូក នាយិកាអង្គការសិទិ្ធមនុស្ស លីកាដូ បានមានប្រសាសន៍ថា៖ “ការកាត់បន្ថយទោសរបស់អ្នកស្រី បុប្ផា ពីបីឆ្នាំ មកត្រឹម ពីរឆ្នាំ មិនទាន់អាចបង្ហាញថាជាជោគជ័យនោះទេ”។ អ្នកនាង បានបន្តទៀតថា៖ “ការផ្តន្ទាទោសនេះ គឺមិនមានមូលហេតុត្រឹមត្រូវ មានភាពលំអៀង ព្រមទាំងមានលក្ខណៈនយោបាយ។ ទោះបីជាស្ថិតនៅរយៈពេលមួយថ្ងៃក្នុងពន្ធនាគារក៏ដោយ ក៏ជារយៈពេលមួយដ៏ច្រើនផងដែរ។ តុលាការកំពូល សូមមេត្តាគួរតែបោះជំហានទៅមុខ ហើយដំណើរការនីតិវិធីលើរឿងក្តីនេះឲ្យបានលឿនតាមដែលអាចធ្វើទៅបាន”។
- ឯកសារទាក់ទង
- ចំណងជើង & មូលបទ
- សិទិ្ធបញ្ចេញមតិ និងចូលរួម សិទ្ធិដីធ្លី