អ្នកស្រី យ៉ោម បុប្ផា ត្រូវបានដោះលែងឲ្យនៅក្រៅឃុំ
ចេញផ្សាយ ថ្ងៃទី២២ ខែវិច្ឆិកា ឆ្នាំ២០១៣
បន្ទាប់មានការឃុំខ្លួនអស់រយៈពេល១៤ខែកន្លងមក នៅទីបញ្ចប់អ្នកស្រីយ៉ោម បុប្ផា ត្រូវបានដោះលែងចេញពីពន្ធនាគារនៃស្នងការដ្ឋានរាជធានីភ្នំពេញ (PJ) នៅវេលាម៉ោង ៥ និង ៤៥ នាទីល្ងាចនេះ។ តុលាការកំពូលបានចាប់ផ្តើមសវនាការលើសំណុំរឿងរបស់អ្នកស្រីនៅវេលាម៉ោង៩ និង៤៥នាទីព្រឹក ដោយមានការចូលរួមយ៉ាងច្រើនកុះករពីសំណាក់អ្នកគាំទ្ររបស់គាត់ជាង៤០០នាក់ រួមទាំងព្រះសង្ឃ និងអង្គការសង្គមស៊ីវិល បានចូលរួមជាមួយក្រុមគ្រួសារ និងសហគមន៏របស់អ្នកស្រីនៅមុខសាលសវនាការ។ បន្ទាប់ពីសវនាការ២ម៉ោងកន្លងមកតុលាការកំពូលបានឲ្យអ្នកស្រីយ៉ោម បុប្ផា នៅក្រៅឃុំបណ្តោះអាសន្នរង់ចាំសវនាការ ក្នុងការជំនុំជម្រះសារឡើងវិញនៅសាលាឧទ្ធរណ៏។
អ្នកស្រីមានការរំជួលចិត្តយ៉ាងខ្លាំងនៅពេលដែលបានជួបជុំជាមួយកូនប្រុសអាយុ ៨ឆ្នាំរបស់អ្នកស្រី ហើយអ្នកស្រីក៏បង្ហាញនូវឥរិយាបទទន់ភ្លន់ជាមួយ និងប្រជាពលរដ្ឋក្នុងសហគមន៏របស់អ្នកស្រី និងអ្នកអ្នកគាំទ្រអ្នកស្រី។ អ្នកស្រីបានត្រលប់ទៅសហគមន៏បឹងកក់វិញដើម្បីរៀបចំពិធីអបអរសារទរ។
ដើម្បីទទួលបានព័ត៌មានលំអិតអំពីការដោះលែងនាថ្ងៃនេះ សូមចូលទៅកាន់ ការផ្សាយព័ត៌មានផ្ទាល់របស់អង្គការលីកាដូ.
- ចំណងជើង & មូលបទ
- សិទិ្ធបញ្ចេញមតិ និងចូលរួម សិទ្ធិដីធ្លី
