សហគមន៍នៅខេត្តកោះកុងតវ៉ារឿងដីសម្បទានស្ករអំពៅ
ចេញផ្សាយ ថ្ងៃទី៦ ខែមីនា ឆ្នាំ២០១៨
ប្រជាពលរដ្ឋប្រមាណជាង១០០នាក់ មកពីសហគមន៍រងគ្រោះដោយសារការរំលោភយកដីធ្លី នៅស្រុកស្រែអំបិល បានធ្វើការតវ៉ានៅខាងមុខរោងចក្រស្ករអំពៅ គ្រប់គ្រងដោយក្រុមហ៊ុន កោះកុង ស៊ូហ្គើ អ៊ីនដាសស្រ្ទី ដែលមានភាគហ៊ុនរបស់សមាជិកព្រឹទ្ធសភានៃគណបក្សកាន់អំណាច។ អ្នកតវ៉ាដែលធ្វើដំណើរមកពី ឃុំជីខលើ ឃុំជីខក្រោម និងឃុំដងពែង បានជួបនឹងកងកម្លាំងនគរបាល និងកងរាជអាវុធហត្ថប្រហែលជា៥០នាក់ ដែលត្រូវបានដាក់ពង្រាយនៅទីនោះ។
សហគមន៍ទាំងនេះកំពុងរង់ចាំដំណោះស្រាយសមរម្យនិងសំណងការខូចខាតតាំងពីឆ្នាំ២០០៦ ដែលដីធ្លីរបស់ប្រជាពលរដ្ឋរាប់រយគ្រួសារ ត្រូវបានដកហូតដោយសារការផ្ដល់ដីសម្បទានឱ្យទៅក្រុមហ៊ុនស្ករអំពៅចំនួនពីរគឺ ក្រុមហ៊ុន កោះកុង ស៊ូហ្គើ អ៊ីនដាសស្រ្ទី និងក្រុមហ៊ុនកោះកុង ផ្លេនថេសិន អ៊ិនដាស្រ្ទី ខមផេនី លីមីតធីត ដែលមានភាគហ៊ុនរបស់លោកឧកញ៉ា លីយ៉ុងផាត់ ផងដែរ។
- ឯកសារទាក់ទង
- ចំណងជើង & មូលបទ
- សិទ្ធិដីធ្លី លី យ៉ុងផាត់
