ការជួបជុំអ្នកគាំទ្ររបស់គណបក្សសង្គ្រោះជាតិ ត្រូវបានរំខាននៅខេត្តកំពង់ចាម
ចេញផ្សាយ ថ្ងៃទី២៦ ខែមករា ឆ្នាំ២០១៤
នៅថ្ងៃនេះ ការជួបជុំរបស់គណបក្សសង្គ្រោះជាតិ ត្រូវបានរំខានដោយការគម្រាមកំហែងអស់ជាច្រើនម៉ោង នៅខេត្តកំពង់ចាម។
កាលពីរសៀលម្សិលមិញ រថយន្តរាប់សិបគ្រឿង ដែលដឹកកងរាជអាវុធហត្ថ និងយោធាជាច្រើននាក់ បានបើកបរចូលក្នុងក្រុងកំពង់ចាម រហូតដល់ពេលល្ងាច ឆ្ពោះទៅស្នាក់ការខេត្តរបស់គណបក្សសង្គ្រោះជាតិ។ មេដឹកនាំគណបក្សសង្គ្រោះជាតិ លោក កឹម សុខា បានមកដល់នៅពេលល្ងាចនោះ បន្ទាប់ពីចូលរួមការជួបជុំជាមួយអ្នកគាំទ្រនៅខេត្តព្រៃវែង។ កាលពីព្រឹកមិញនេះ ផ្លូវចូលទីក្រុង កំពង់ចាម ត្រូវបានបិទ ដើម្បីរារាំងសកម្មជនគណបក្សសង្គ្រោះជាតិជាច្រើន ពីការចូលរួមការជួបជុំរបស់គណបក្ស។ លោក កឹម សុខា ត្រូវបានរារាំង ពីការចេញពីសណ្ឋាគារដែលលោកស្នាក់នៅ ឈ្មោះ លាភ វីរសា ដោយជនស៊ីវិលប្រមាណមួយរយនាក់ ដែលមានផ្លាកសញ្ញា និងកាន់ទង់ជាតិគណបក្សប្រជាជន ដែលដងទង់ជាតិសុទ្ធតែជាដំបងធំៗ។ ជនស៊ីវិលទាំងនោះ បានធ្វើការព័ទ្ធជុំវិញសណ្ឋាគារនោះ។ នៅខណៈនោះដែរ មានក្រុមស៊ីវិលមួយក្រុមទៀត ដែលស្លៀកពាក់ដូចគ្នា បានទៅព័ទ្ធស្នាក់ការខេត្តរបស់គណបក្សសង្គ្រោះជាតិនៅខេត្តកំពង់ចាម ដែលជាទីកន្លែងដែលលោក កឹម សុខា នឹងធ្វើការថ្លែងសុន្ទរកថានៅទីនោះ។ នៅម៉ោងប្រហែល ៨ កន្លះ ព្រឹក ក្រុមដែលនៅក្រៅសណ្ឋាគារ បានចូលរួមជាមួយក្រុមដែលព័ទ្ធនៅមុខស្នាក់ការគណបក្សសង្គ្រោះជាតិ ដែលធ្វើឲ្យចំនួនមនុស្សទាំងនោះកើនដល់ប្រហែល ២០០០ នាក់ ឈរគ្រវីទង់ជាតិដែលមានដងជាដំបងធំៗ ហើយបានស្រែកនូវពាក្យស្លោកប្រឆាំងនឹងគណបក្សសង្គ្រោះជាតិ និងប្រឆាំងនឹងលោក កឹម សុខា ដោយប្រើឧឃោសនស័ព្ទ (មេក្រូ) ជាច្រើន។ នៅក្នុងស្នាក់ការបក្ស អ្នកតំណាងរាស្ត្រគណបក្សសង្គ្រោះជាតិជាច្រើន បាននិយាយទៅកាន់អ្នកគាំទ្រប្រមាណ ១០០០ នាក់ របស់ខ្លួន ដែលអ្នកទាំងនោះ បានរៀបចំនឹងឆ្លងកាត់ការបិទផ្លូវទាងនោះ ចូលទៅក្នុងទីក្រុង។
- ចំណងជើង & មូលបទ
- ការបោះឆ្នោត សិទិ្ធបញ្ចេញមតិ និងចូលរួម កឹម សុខា
