ការចូលស្នាក់នៅរយៈពេលខ្លីរបស់ប្រជាពលរដ្ឋបុរីកីឡា ត្រូវបានបញ្ចប់ដោយហិង្សា
ចេញផ្សាយ ថ្ងៃទី១៤ ខែកុម្ភៈ ឆ្នាំ២០១៤នៅព្រឹកនេះ កងសន្តិសុខជាច្រើន បានបណ្តេញយ៉ាងហិង្សាលើប្រជាពលរដ្ឋសហគមន៍បុរីកីឡាចេញពីការចូលកាន់កាប់រយៈពេល ពីរថ្ងៃ នៅក្នុងអគារមួយនៅលើដីរបស់អ្នកទាំងនោះ ដែលជាអគារដែលបានសន្យាថានឹងប្រគល់ជូនពួកគាត់។
នៅម៉ោងប្រហែល ៧ ព្រឹកនេះ ផ្លូវចូលទៅកាន់បុរីកីឡា ត្រូវបានបិទ ហើយកងនគរបាលបង្ក្រាបបាតុកម្ម និងកងសន្តិសុខជាច្រើន ត្រូវបានដាក់ពង្រាយដើម្បីបណ្តេញប្រជាពលរដ្ឋចេញពីអគារ។ ប្រជាពលរដ្ឋចំនួន ៦នាក់ បានរងរបួសយ៉ាងធ្ងន់នៅក្នុងពេលប៉ះទង្គិចគ្នានោះ ដោយរួមមានស្ត្រីមានផ្ទៃពោះ ៧ខែម្នាក់ផងដែរ។ នៅថ្ងៃពុធ ប្រជាពលរដ្ឋបុរីកីឡាដែលត្រូវបានគេបណ្តេញចេញចំនួនជាង ១៥០ គ្រួសារ បានផ្លាស់ទៅរស់នៅ នៅក្នុងអគារនោះ (ជាអគារដែលធ្លាប់បានសន្យាថានឹងប្រគល់ជូនពួកគាត់ ទៅតាមកិច្ចសន្យាផ្លាស់ប្តូរដីកាលពីឆ្នាំ ២០០៣) បន្ទាប់ពីរាជរដ្ឋាភិបាល បរាជ័យក្នុងការជួសជុលការខូចខាតដោយសារការបាត់បង់ផ្ទះរបស់ប្រជាពលរដ្ឋបុរីកីឡា ក្រោយពីមានការបណ្តេញចេញដោយបង្ខំនៅខែមករា ឆ្នាំ២០១២។
- ឯកសារទាក់ទង
- ចំណងជើង & មូលបទ
- សិទ្ធិដីធ្លី