ការប្រកាសសាលក្រមលើករណីស្ពានក្បាលថ្នល់ ត្រូវបានពន្យាពេល
ចេញផ្សាយ ថ្ងៃទី២១ ខែកុម្ភៈ ឆ្នាំ២០១៤
ការប្រកាសសាលក្រមរបស់តុលាការលើករណីស្ពានអាកាសក្បាលថ្នល់ ដែលមានបុរស ៦នាក់ ត្រូវបាន ចាប់ខ្លួន អំឡុងពេល ការប៉ះទង្គិចគ្នាកាលពីថ្ងៃទី១៥ ខែកញ្ញា ឆ្នាំ២០១៤ ត្រូវបានតុលាការពន្យាពេលទៅថ្ងៃទី២៨ ខែកុម្ភៈ ឆ្នាំ២០១៤ វិញ។
អ្នកទាំងនោះត្រូវបានចាប់ខ្លួននៅពេលដែលមានការបិទផ្លូវបណ្តាលឲ្យមាន ការប៉ះទង្គិចគ្នាមួយបានកើតឡើង រវាងកងកម្លាំងសមត្ថកិច្ច និងប្រជាពលរដ្ឋខណៈពេល ដែល ពួកគេព្យាយាមត្រលប់ទៅផ្ទះ ជិតស្ពានអាកាសក្បាលថ្នល់។ អ្នកទាំងអស់នោះត្រូវបាន កាត់ទោស នៅសាលាដំបូង រាជធានីភ្នំពេញនៅថ្ងៃទី១៧ ខែកុម្ភៈ។ ក្នុងចំណោមអ្នកទាំង ៦នាក់នោះមាន ៥នាក់ត្រូវបានដោះលែងឲ្យនៅក្រៅឃុំជាបណ្តោះអាសន្នរង់ចាំសវនាការហើយ ម្នាក់ទៀតស្ថិតនៅក្នុងមណ្ឌលអប់រំកែប្រែទី ១។ អ្នកទាំង៦នាក់នោះត្រូវបានចោទប្រកាន់ពីបទហិង្សាដោយចេតនា និងធ្វើឲ្យខូចខាត ទ្រព្យសម្បត្តិ ដោយចេតនា ដែលត្រូវបានអនុវត្តទោសរួមគ្នា ឲ្យជាប់ពន្ធនាគារពី បួនឆ្នាំ ទៅ ដប់ឆ្នាំនិងពិន័យជាប្រាក់ពី ប្រាំបីលានរៀល ទៅម្ភៃលានរៀល។ អំឡុងពេល សវនាការ គ្មានសាក្សីណាម្នាក់ ស្គាល់អ្នក ទាំងអស់នោះទេ ហើយមន្រ្តីនគរបាល ទាំងអស់ដែលបាន ធ្វើការសួរចម្លើយអ្នកទាំងអស់ នោះបាន បដិសេធថា អង្គភាពរបស់ពួកគេ មិនបានធ្វើការចាប់ខ្លួនអ្នក ទាំងនោះ ឡើយ។យោងតាមចៅក្រមជំនុំជម្រះការ ប្រកាស សាលក្រមត្រូវបានពន្យាពេល ដោយសារករណី នេះមានបញ្ហាស្មុគស្មាញ មួយចំនួន។
- ឯកសារទាក់ទង
- ចំណងជើង & មូលបទ
- តុលាការ និងនីតិរដ្ឋ ការបោះឆ្នោត
