អាជ្ញាធរពង្រាយរបាំងបន្លាលួសជាច្រើននៅទីលានប្រជាធិបតេយ្យ មិនអនុញ្ញាតឲ្យប្រារព្ធទិវាពលកម្មអន្តរជាតិ និងយុទ្ធនាការឃោសនាបោះឆ្នោត។
ចេញផ្សាយ ថ្ងៃទី៣០ ខែមេសា ឆ្នាំ២០១៤
នៅព្រឹកនេះរបាំងបន្លាលួស រថយន្តទ្រុង និងរបងត្រូវបានដាក់ពង្រាយដើម្បីការពារមិនឲ្យប្រជាពលរដ្ឋចូលទៅកាន់ទីលានប្រជាធិបតេយ្យ សម្រាប់ព្រឹត្តិការណ៍ទិវាពលកម្មអន្តរជាតិនៅថ្ងៃស្អែក និងកំឡុងពេលយុទ្ធនាការបោះឆ្នោតដែលចាប់ផ្តើមនៅថ្ងៃទី ២ ខែឧសភា។ នៅព្រឹកនេះផងដែរ លោកស្រី មូរ សុខហួរ តំណាងរាស្រ្តរបស់គណបក្សសង្គ្រោះជាតិ រួមជាមួយអ្នកគាំទ្ចំនួន ១៥០ នាក់ និងតំណាងមកពីសហគមន៍ដីធ្លីមិនទាន់ត្រូវបានអនុញ្ញាតឲ្យចូលទៅកាន់ទីលានប្រជាធិបតេយ្យនៅឡើយទេ។ លោក សម រង្ស៊ី ប្រធានគណបក្សសង្គ្រោះជាតិបានធ្វើដំណើរទៅកាន់ទីលានប្រជាធិបតេយ្យក្នុងរយៈពេលខ្លីមួយ នៅមុនពេលធ្វើដំណើទៅកាន់រមនីយដ្ឋានវត្តភ្នំ ហើយបន្ទាប់មកក៏ធ្វើដំណើរវិលត្រឡប់ទៅកាន់ទីលានប្រជាធិបតេយ្យដែលពោរពេញទៅដោយបន្លាលួសជាច្រើន ដើម្បីផ្តល់សុន្ទរកថាខ្លីមួយ។ នគរបាលចំនួនពី ៤០០ ទៅ ៥០០នាក់ត្រូវបានដាក់ពង្រាយនៅទីលានប្រជាធិបតេយ្យដើម្បីរារាំងប្រជាពលរដ្ឋមិនឲ្យចូលទៅកាន់ទីនោះ។
កាលបរិច្ឆេទប៉ុនប៉ងចូលទៅកាន់ទីលានប្រជាធិបតេយ្យរបស់អ្នកស្រី មូរ សុខហួរ ត្រូវបានប្រកាសជាសាធារណៈកាលពីថ្ងៃចន្ទ។ នៅពេលដែលអ្នកស្រី មូរ សុខហួរ និងអ្នកគាំទ្ររបស់អ្នកស្រីត្រូវបានរារាំងមិនឲ្យចូលទៅកាន់ទីលានប្រជាធិបតេយ្យ អ្នកទាំងនោះបានដាក់ផ្កាឈូកនៅលើរបាំងបន្លាលួស និងដុតធូប។
- ចំណងជើង & មូលបទ
- ការបោះឆ្នោត សិទិ្ធបញ្ចេញមតិ និងចូលរួម អំពើនៅទីលានប្រជាធិបតេយ្យ ២០១៤
