អ្នកគាំទ្រគណបក្សសង្គ្រោះជាតិ នៅតែមានភាពក្លាហានហែក្បួនយ៉ាងធំ ទោះបីមានការហាមឃាត់ខ្លាំង
ចេញផ្សាយ ថ្ងៃទី២ ខែឧសភា ឆ្នាំ២០១៤
នាថ្ងៃនេះ អ្នកគាំទ្រគណបក្សសង្គ្រោះជាតិ រាប់ពាន់នាក់ បាន ដើរហែរក្បួននៅក្នុងរាជធានីភ្នំពេញ ជាកិច្ចចាន់ផ្តើមនៃយុទ្ធនាការឃោសនាបោះឆ្នោតក្រុមប្រឹក្សាស្រុក ខ័ណ្ឌ ខេត្រ ក្រុង និងរាជធានី។ យ៉ាងតិចមានមនុស្ស ៥ នាក់ រងរបួសពីការវាយប្រហារពីកងសន្តិសុខ ដែលក្នុងចំណោមអ្នកទាំងនោះរួមមាន អ្នកគាំទ្រគណបក្សសង្គ្រោះជាតិ ព្រះសង្ឃមួយអង្គ និងអ្នកកាសែតម្នាក់ នៅពេលដែលអ្នកទាំងនោះកំពុងរង់ចាំក្បួនដង្ហែមកដល់ទីលានប្រជាធិបតេយ្យ។ អ្នកកាសែត ត្រូវបានបញ្ជូនទៅកាន់មន្ទីពេទ្យ រីឯអ្នករងរបួសដទៃទៀតត្រូវបានព្យាលបាលដោយក្រុមគ្រូពេទ្យអង្គការ លីកាដូ ដែលក្នុងនោះមានបុរសម្នាក់ មុខរបួសទាមទារឲ្យមានការដេរបីថ្នេរ។
ក្បួនបានចាប់ផ្តើមពីទីស្នាក់ការគណបក្សសង្គ្រោះជាតិនាពេលរសៀល ហើយបន្តក្បួនហែតាមបណ្តោយមហាវិថីសំខាន់ៗនានាទូទាំងេាជធានីអស់ប្រហែល ៣ម៉ោង បន្ទាប់មកបានមកដល់មុខព្រះបរមរាជវាំង ជាកន្លែងដែលមេដឹកនាំគណបក្សសង្គ្រោះជាតិ លោក សម រង្សុី និងលោក កឹម សុខា ថ្លែងទៅកាន់អ្នកគាំទ្រជាច្រើន។ មុនពេលចាកចេញពីទីនោះ អ្នកទាំងពីបានប្រកាសថាការជួបជុំគ្នានឹងបន្តនាថ្ងៃស្អែក។
កងសន្តិសុខជាច្រើននាក់ ត្រូវបានគេឃើញមានវត្តមាននៅក្នុងរាជធានីភ្នំពេញចាប់តាំងពីថ្ងៃទី៣០ ខែមេសា គឺនៅពេលដែលរបាំងបន្លាលួសជាច្រើនត្រូវបានដាក់ដើម្បីបិទទីលានប្រជាធិបតេយ្យ។ នៅថ្ងៃនេះ បន្លាលួសត្រូវបានដាក់បន្ថែមមកដល់ស្ពាននាគ និងវត្តភ្នំ ជាកន្លែងដែលកងសន្តិសុខ និងនគរបាលដែលប្រដាប់ដោយកាំភ្លើងបាញ់ឧស្ម័នបង្ហូរទឹកភ្នែក រាប់រយនាក់ឈរជើង។ កងរាជអាវុធហត្ថជាច្រើន ក៏ត្រូវបានពង្រាយនៅក្បែរគេហដ្ឋានសម្តេចនាយករដ្ឋមន្ត្រី និងនៅក្បែរតុលាការកំពូលក្បែរព្រះបរមរាជវាំងផងដែរ។
- ចំណងជើង & មូលបទ
- ការបោះឆ្នោត សិទិ្ធបញ្ចេញមតិ និងចូលរួម
