កម្មកររោងចក្របង្ហាញការគាំទ្រដល់សហជីពដែលបានចាប់ខ្លួន
ចេញផ្សាយ ថ្ងៃទី២៤ ខែឧសភា ឆ្នាំ២០១៤នាថ្ងៃនេះ កម្មករជាច្រើនរយនាក់ បានប្រមូលផ្តុំគ្នានៅទីក្រុងតាកែវ ដើម្បីបង្ហាញការគាំទ្ររបស់អ្នកទាំងនោះ ដល់មេដឹកនាំសហជីព និងសមាជិកសហជីពទាំងប្រាំបីនាក់ ដែលត្រូវបានឃាត់ខ្លួនកាលពីរសៀលម្សិលមិញអំឡុងពេលមានបាតុកម្មកម្មកររោងចក្រនៅមុខរោងចក្រ JSD Textile (Cambodia) Co. Ltd។ កម្មករដែលធ្វើកូដកម្ម បានទាមទារឲ្យមានការតំឡើងប្រាក់ឈ្នួលអប្បបរមា ១៦០ ដុល្លារអាមេរិក និងល័ក្ខខ័ណ្ឌការងារល្អប្រសើរ។ កងកម្លាំងប្រដាប់អាវុធ បានបិទផ្លូវទៅកាន់តុលាការ និងស្នងការនគរបាលខេត្តដោយបានពង្រាយរបងបន្លាលួស។ នៅស្នងការនគរបាលខេត្ត គឺជាកន្លែងដែលមេដឹកនាំសហជីពទាំងនោះត្រូវបានគេឃាត់ខ្លួន។
មេដឹកនាំសហជីពទាំងប្រាំបី រួមមានមេដឹកនាំប្រាំមួយនាក់មកពីសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា (CCAWDU) និងបុគ្គលិករបស់សហជីពនេះចំនួនពីរនាក់ទៀត ដែលបានមកជួយកម្មករដែលបានធ្វើកូដកម្ម។ រហូតមកដល់ពេលនេះ អ្នកទាំងនោះត្រូវបានឃុំខ្លួននៅស្នងការនគរបាលខេត្ត នៅក្នុងក្រុងតាកែវ ជាកន្លែងដែលមេធាវី សហជីព និងមន្ត្រីអង្គការមិនមែនរដ្ឋាភិបាលត្រូវបានបដិសេធ ពីការចូលទៅជួបអ្នកទាំងនោះ។
- ចំណងជើង & មូលបទ
- សិទិ្ធបញ្ចេញមតិ និងចូលរួម សិទ្ធិការងារ