តំណាងរាស្ត្រចំនួន ២នាក់ផ្សេងទៀត ត្រូវបានចាប់ និងឃុំខ្លួននៅព្រៃស
ចេញផ្សាយ ថ្ងៃទី១៨ ខែកក្កដា ឆ្នាំ២០១៤
នាព្រឹកនេះម៉ោង ៦ និង ២០នាទី តំណាងរាស្ត្រជាប់ឆ្នោតគណបក្សសង្គ្រោះជាតិពីរនាក់ផ្សេងទៀត គឺលោក ឡុង រី និងនុត រំដូល ត្រូវបានបញ្ជូនខ្លួនទៅកាន់សាលាដំបូងរាជធានីភ្នំពេញ ជាកន្លែងដែលអ្នកទាំងពីរនឹងត្រូវបានសាកសួរដោយចៅក្រមស៊ើបសួរលោក កែវ មុនី។ អ្នកទាំងពីរត្រូវបានចាប់ខ្លួនកាលពីរសៀលម្សិលមិញ នៅគេហដ្ឋានរបស់លោក ឡុង រី នៅខណៈដែលអ្នកទាំងពីរង់ចាំមេធាវីរបស់អ្នកទាំងនោះមកដល់ ដើម្បីចុះហត្ថលេខាលើឯកសារ។ បន្ទាប់ពីសាកសួររួច ចៅក្រមបានបញ្ជាឲ្យមានការឃាត់ខ្លួន និងឃុំខ្លួនអ្នកទាំងពីរនៅពន្ធនាគារព្រៃស ដើម្បីធ្វើការសាកសួរបន្ថែម។ តំណាងរាស្ត្រជាប់ឆ្នោតទាំងពីរ ត្រូវបានបញ្ជូនខ្លួនទៅកាន់ពន្ធនាគារនាព្រឹកមិញនៅវេលាម៉ោង ៩ កន្លះ។ ព្រឹត្តិការណ៍នេះបានធ្វើឲ្យតំណាងរាស្ត្រជាប់ឆ្នោតគណបក្សសង្គ្រោះជាតិសរុបចំនួន ៨នាក់ ត្រូវបានឃុំខ្លួនបណ្តោះអាសន្ន ទៅលើបទល្មើសពាក់ព័ន្ធនឹងអំពើហិង្សាដែលកើតឡើងនៅទីលានប្រជាធិបតេយ្យកាលពីថ្ងៃទី១៥ ខែកក្កដា។
- ឯកសារទាក់ទង
- ចំណងជើង & មូលបទ
- សិទិ្ធបញ្ចេញមតិ និងចូលរួម អំពើនៅទីលានប្រជាធិបតេយ្យ ២០១៤
