កម្មកររោងចក្រដើរហែរក្បួននៅរាជធានីភ្នំពេញដើម្បីស្នើតំឡើងប្រាក់ឈ្នួលអប្បបរមា
ចេញផ្សាយ ថ្ងៃទី១២ ខែតុលា ឆ្នាំ២០១៤នាព្រឹកនេះ កម្មកររោងចក្រប្រមាណ ១០០០ នាក់ មកពីសហជីពធំៗចំនួន ៦ គឺ CUMW NIFTUC WFUF NTUC TUFW និង IDYTU បានប្រមូលផ្តុំគ្នានៅទីលានប្រជាធិបតេយ្យ ដើម្បីអំពាវនាវសុំឲ្យមានការតំឡើងប្រាក់ឈ្នួលអប្បបរមា។ ទោះបីជាមានការព្រមាណពីអាជ្ញាធររាជរដ្ឋាភិបាល ដោយមិនអនុញ្ញាតឲ្យធ្វើការដើរហែរក្បួន ឬចាកចេញពីទីលានប្រជាធិបតេយ្យក៏ដោយ ក្រុមអ្នកតវ៉ាបានដើរហែរក្បួនដោយអហិង្សាទៅកាន់វិមានរដ្ឋសភាជាតិ ស្ថានទូតសហរដ្ឋអាមេរិក និងស្ថានទូតសហគមន៍អឺរ៉ុប ដើម្បីដាក់ញត្តិ។
នគរបាលបង្ក្រាបបាតុកម្មប្រមាណ ៥០នាក់ បានឈរនៅវត្តភ្នំ នៅពេលដែលក្រុមបាតុករកំពុងដើរហែរក្បួន ហើយកងរាជអាវុធហត្ថ និងនគរបាលបង្ក្រាបបាតុកម្មមួយក្រុមយ៉ាងធំ កំពុងឈរបិទផ្លុវនៅមុខស្ថានទូតសហគមន៍អឺរ៉ុប។
ការតវ៉ាថ្ងៃនេះ ត្រូវបានធ្វើឡើងបន្ទាប់ពីយុទ្ធនាការកាលពីខែមុនដើម្បីទាមទារតំឡើងប្រាក់ឈ្នួលអប្បបរមាឲ្យដល់ ១៧៧ ដុល្លារអាមេរិក។
- ឯកសារទាក់ទង
- ចំណងជើង & មូលបទ
- សិទិ្ធបញ្ចេញមតិ និងចូលរួម សិទ្ធិការងារ