អំពើហិង្សាបំបែកអ្នកតវ៉ាមួយទៀតបានកើតឡើងនៅក្បែរគេហដ្ឋានសម្តេចនាយករដ្ឋមន្ត្រី
ចេញផ្សាយ ថ្ងៃទី២០ ខែតុលា ឆ្នាំ២០១៤ការពីព្រឹកមិញ មនុស្សចំនួនបួននាក់ បានរងរបួស បន្ទាប់ពីកងសន្តិសុខដែលឈរបិទផ្លូវនៅក្បែរវិមានឯករាជ្យបានវាយដំក្រុមអ្នកបាតុករ ដែលមកពីឃុំកន្ទួត ស្រុកជាំក្សាន្ត ខេត្តព្រះវិហារ នៅខណៈដែលកងរាជអាវុធហត្ថបានឈរនៅក្បែរនោះ។
ក្រុមអ្នកតវ៉ាដែលរួមមានបុរស ស្ត្រី និងកូនក្មេង បានធ្វើដំណើរមករាជធានីភ្នំពេញ ដើម្បីស្នើសុំជំនួយនៅក្នុងជម្លោះដីធ្លីដ៏រ៉ាំរ៉ៃ ដែលប៉ះពាល់ដល់ប្រជាពលរដ្ឋចំនួន ២០០គ្រួសារ។
អ្នកទាំងនោះមានបំណងដើរហែរក្បួនទៅកាន់ស្ថានទូតចិន រុស្ស៊ី និងអូស្ត្រាលី មុនពេលដាក់ញ្ញត្តិទៅគេហដ្ឋានលោកនាយករដ្ឋមន្ត្រី។ ប៉ុន្តែអ្នកតវ៉ា ត្រូវបានរារាំង ដោយមិនឲ្យចូលទៅក្បែរផ្ទះលោកនាយករដ្ឋមន្ត្រីដែលនៅក្បែរវត្តបុទុមវតីនោះឡើយ ហើយថែមទាំងត្រូវបានគេវាយដំនៅទីនោះទៀតផង។
អង្គការ លីកាដូ បានព្យាបាលអ្នករបួសចំនួនពីរនាក់ក្នុងចំណោមអ្នករបួសទាំងអស់។
- ចំណងជើង & មូលបទ
- សិទិ្ធបញ្ចេញមតិ និងចូលរួម សិទ្ធិដីធ្លី