អ្នកតំណាងសហគមន៍បឹងកក់ ត្រូវបានចាប់ខ្លួន
ចេញផ្សាយ ថ្ងៃទី១០ ខែវិច្ឆិកា ឆ្នាំ២០១៤នាព្រឹកនេះ នៅម៉ោងប្រហែល ៩ និង៣០នាទី អ្នកតំណាងសហគមន៍បឹងកក់ជាស្ត្រីចំនួន ៧នាក់ ត្រូវបានចាប់ខ្លួន នៅពេលដែលអ្នកទាំងនោះកំពុងតវ៉ានៅមុខសាលារាជធានីភ្នំពេញ ទាក់ទងនឹងរឿងកង្វះប្រព័ន្ធលូបង្ហូរទឹកស្អុយចេញពីរាជធានីភ្នំពេញ ជាពិសេសតំបន់បឹងកក់។
តំបន់នៅជាប់អតីតតំបន់បឹងកក់ត្រូវបានលិចលង់អស់រយៈពេលបីថ្ងៃ ដោយសារមិនមានប្រព័ន្ធលូបង្ហូរទឹកស្អុយចេញ ដែលជាការគ្រប់គ្រងរបស់សាលារាជធានីភ្នំពេញ។
អ្នកដែលត្រូវបានឃាត់ខ្លួនមាន អ្នកស្រី ង៉ែត ឃុន អ្នកស្រី ទេព វន្នី កញ្ញា សុង ស្រីលាភ អ្នកស្រី គង់ ចន្ថា អ្នកស្រី ផាន់ ឈុនរ៉េត ដែលជាអ្នកធ្លាប់ត្រូវបានចាប់ខ្លួន និងផ្តន្ទាទោសដាក់ពន្ធនាគារកាលពីឆ្នាំ ២០១២ ដោយសារភាពសកម្មនិយមអហិង្សារបស់អ្នកទាំងនោះ។ អ្នកតំណាងសហគមន៍ពីរនាក់ទៀតមាន កញ្ញា ប៊ូ ឆវី និង នង ស្រេង ក៏ត្រូវបានចាប់ខ្លួនផងដែរ។
- ចំណងជើង & មូលបទ
- សិទិ្ធបញ្ចេញមតិ និងចូលរួម ដោះលែង ១៩ នាក់ សិទ្ធិដីធ្លី