តុលាការសម្រេចឃុំខ្លួនលោក មៀច សុវណ្ណារ៉ា បណ្តោះអាសន្ននៅពន្ធនាគារ ម១
ចេញផ្សាយ ថ្ងៃទី១១ ខែវិច្ឆិកា ឆ្នាំ២០១៤មន្ត្រីគណបក្សសង្គ្រោះជាតិ លោក មៀច សុវណ្ណារ៉ា ត្រូវបានឃុំខ្លួននៅពន្ធនាគារ ម១ នៅព្រៃស នៅល្ងាចនេះ ក្រោយពីមានការចាប់ខ្លួនកាលពីព្រឹកមិញនៅរាជធានីភ្នំពេញ ពាក់ព័ន្ធនឹងអំពើហិង្សាដែលបានកើតឡើងនៅទីលានប្រជាធិបតេយ្យកាលពីថ្ងៃទី១៥ ខែកក្កដា។
ចៅក្រមស៊ើបសួរ លោក កែវ មុន្នី បានសម្រេចចោទប្រកាន់លោក សុវណ្ណារ៉ា តាមមាត្រា ២៨ និង ២១៨ (ផ្តើមគំនិតដោយមានស្ថានទម្ងន់ទោស ហិង្សាដោយចេតនា) មាត្រា ៤៩៥ (ញុះញង់ឲ្យប្រព្រឹត្តបទឧក្រិដ្ឋ) និងមាត្រា ៤៥៩ (ដឹកនាំចលនាកុបកម្ម) នៃក្រមព្រហ្មទណ្ឌ។ មាត្រា ៤៥៩ កំណត់ទោសពន្ធនាគារដល់ទៅ ៣០ឆ្នាំ។
ជាសរុប មន្ត្រី និងសកម្មជនគណបក្សសង្គ្រោះជាតិ ១៤ នាក់ ត្រូវបានចាប់ខ្លួន ពាក់ព័ន្ធនឹងអំពើហិង្សានៅទីលានប្រជាធិបតេយ្យកាលពីថ្ងៃទី១៥ ខែកក្កដា។
បច្ចុប្បន្ន មន្ត្រី និងសកម្មជនគណបក្សសង្គ្រោះជាតិចំនួន ៣នាក់ ត្រូវបានឃុំខ្លួនដោយអាជ្ញាធរ៖ លោក អ៊ុក សំណាង ក្រុមប្រឹក្សាខ័ណ្ឌច្បារអំពៅ លោក ស៊ុំ ពុទ្ធី និងមន្ត្រីគណបក្សសង្គ្រោះជាតិ លោក មៀច សុវណ្ណារ៉ា។
- ឯកសារទាក់ទង
- ចំណងជើង & មូលបទ
- សិទិ្ធបញ្ចេញមតិ និងចូលរួម ដោះលែង ១៩ នាក់ អំពើនៅទីលានប្រជាធិបតេយ្យ ២០១៤