យើងទាំងអស់គ្នាជាតំណាងអង្គការ ដែលចុះហត្ថាលេខាខាងក្រោមនេះ មានការខកចិត្តយ៉ាងខ្លាំង ចំពោះវិធានការរបស់រាជរដ្ឋាភិបាលក្នុងការបំភិតបំភ័យ និងគំរាមកំហែងលើកម្មករ និងសមាជិកសហជិព ដែលបានចូលរួមធ្វើកូដកម្ម ។

យើងទាំងអស់គ្នាជាតំណាងអង្គការ ដែលចុះហត្ថាលេខាខាងក្រោមនេះ មានការខកចិត្តយ៉ាងខ្លាំង ចំពោះវិធានការរបស់រាជរដ្ឋាភិបាលក្នុងការបំភិតបំភ័យ និងមានការគំរាមកំហែងលើកម្មករ និងសមាជិកសហជីព ដែលបានចូលរួមធ្វើកូដកម្មក្នុងរយៈពេល៤ថ្ងៃ ពីថ្ងៃទី១៣ ដល់ថ្ងៃទី១៦ ខែកញ្ញា ឆ្នាំ២០១០កន្លងទៅនេះ។

ការឆ្លើយតបរបស់រាជរដ្ឋាភិបាលចំពោះទៅនឹងការធ្វើកូដកម្មស្របច្បាប់ ជាពិសេសកូដកម្មដែលបានប្រកាសជូនដំណឹងតាំងពីយូរមកហើយ តាមរយៈវិធានការនានា ដូចជា ការវាយប្រហារដោយកម្លាំងលើបាតុករ ការគំរាមកំហែងតាមផ្លូវតុលាការលើអ្នករៀបចំកូដកម្ម និងការប្រើប្រាស់ប្រព័ន្ធតុលាការវាយបកមកលើសមាជិកសហជីព។ រាជរដ្ឋាភិបាល ត្រូវតែបញ្ឍប់អំពើទាំងអស់នេះជាបន្ទាន់ ប្រសិនបើភាគីទាំងសងខាងមានឆន្ទះសម្រេចនូវកិច្ចព្រមព្រៀងមួយក្នុងការចរចារនៅថ្ងៃទី២៧ ខែកញ្ញា ឆ្នាំ២០១០ខាងមុខនេះ។

កម្មករមកពីសម្ព័ន្ធសហជីពកាត់ដេរប្រជាធិបតេយ្យ សម្ព័ន្ធសហជីពតម្បាញឯករាជ្យជាតិកម្ពុជា និងមកពីសហជីព១៣ផ្សេងទៀត បានចូលរួមធ្វើកូដកម្មដោយសន្តិវិធីមួយ ដើម្បីទាមទារអោយមានការបង្កើតប្រាក់ឈ្នួលអប្បបរិមា បច្ចុប្បន្នអោយស្របទៅតាមកំរិតជីវភាពរស់នៅប្រចាំថ្ងៃ។

យើងមានការសោកស្តាយយ៉ាងខ្លាំងចំពោះអំពើហិង្សាដែលបានកើតឡើងពេលកូដកម្មដែលមានដូចជា៖
- ការវាយដំមកលើស្ត្រីម្នាក់អាយុ២៨ឆ្នាំ ដែលបណ្តាលឲ្យរបួសយ៉ាងធ្ងន់ធ្ងរប្រព្រឹត្តិដោយកងកម្លាំងចំរុះ យោធានិងនគរបាលនៅពេលវាយបំបែកកូដករនៅរោងចក្រ ថប់វើល និងរោងចក្រក្បាលកោះ ក្នុងស្រុកកៀនស្វាយ ខេត្តកណ្តាល ។

- ការបង្ករបួសស្នាមលើរាងកាយ ការចាប់ខ្លួន និងការឃុំខ្លួនកម្មករឈ្មោះ សុខ សោភា ភេទ ប្រុស អាយុ២៩ឆ្នាំ ដែលជាលេខាធិការសហជីពនៅរោងចក្រក្បាលកោះ ដោយ នគរបាលស្រុកកៀនស្វាយ ខេត្តកណ្តាល ។

នៅថ្ងៃទី៤ នៃកូដកម្មដែលត្រូវនឹងថ្ងៃទី១៦ ខែកញ្ញា ឆ្នាំ២០១០ ឯកឧត្តម អ៊ិត សំហេង រដ្ឋមន្ត្រី ក្រសួង
សង្គមកិច្ច អតីតយុទ្ធជន និងយុវនីតិសម្បទា បានស្នើឲ្យមានកិច្ចប្រជុំមួយរវាងរាជរដ្ឋាភិបាល និងតំណាងសហជីពដែលគ្រោងធ្វើនៅថ្ងៃទី២៧ ខែកញ្ញា ខាងមុខនេះ ។ មេដឹកនាំសហជីពទាំងឡាយ ទទួលយកនូវសំណើរនេះ ហើយក៍បានអំពាវនាវឲ្យកម្មករទាំងអស់ផ្អាកកូដកម្ម និងចូលធ្វើការវិញតាមធម្មតា ។

ទោះបីជាកូដកម្ម បានផ្អាកទៅហើយក្តី ក៍ការបំភិតបំភ័យ និងការគំរាម កំហែងពីសំណាក់រាជរដ្ឋាភិបាលនៅតែកើតមាននៅឡើយ ។

ខណៈដែលឯកឧត្តម អ៊ិត សំហេង អំពាវនាវឲ្យមានការចរចារ ឯកឧម្តម និង ឯកឧត្តម វង សូត រដ្ឋ មន្ត្រី ក្រសួងការងារ និងបណ្តុះបណ្តាលវិជ្ជាជីវៈ ក៍បានទាមទារឲ្យមានការស៊ើបអង្កេតចំពោះអ្នកដឹកនាំកូដកម្ម និងអំពាវនាវឲ្យអាជ្ញាធរធ្វើការវាយបំបែកកូដកម្មដែលកំពុងតែបន្ត។ គិតចាប់ពីថ្ងៃទី១៥ ខែកញ្ញា ចៅក្រមសាលាដំបូងរាជធានីភ្នំពេញ ចៅក្រមខេត្តកណ្តាល និងខេត្តកំពង់ស្ពឺ បានចេញបញ្ជាឲ្យកម្មករទាំងអស់ចូលធ្វើការវិញក្នុងរយៈពេល ២៤ម៉ោង ។

លើសពីនេះទៅទៀត យើងក៍បានទទួលឯកសារចម្លងតុលាការមួយចំនួន អំពាវនាវឲ្យមានការផ្អាកការងារកម្មករទាំងឡាយដែលបានដឹកនាំធ្វើកូដកម្ម ដើម្បីរង់ចាំការអង្កេត៖

- លោកចៅក្រម ខ្លូត ពេជ្រ បានបញ្ជាឲ្យផ្អាកការងារកម្មករ២២នាក់ នៅរោងចក្រ សៀងវូ ខេត្តកំពង់ស្ពឺ
- លោកចៅក្រមប្រធានតុលាការ អិន វ៉ានវិបុល បានបញ្ជាឲ្យផ្អាកការងារកម្មករសហជីពចំនួន១៦នាក់ នៅរោងចក្រ សម្លៀកបំពាក់ ម៉េង តុង និងរោងចក្រសម្លៀកបំពាក់ ម៉េងយ៉ាង នៅខេត្តកណ្តាល ។
- លោកចៅក្រមប្រធានតុលាការ អិន វ៉ានវិបុល បានបញ្ជាឲ្យផ្អាកការងារកម្មករសហជីពចំនួន១០នាក់ នៅរោងចក្រតម្បាញ វីនន័រ ខេត្តកណ្តាល ។
- លោកចៅក្រម ស៊ិន វិរៈ បានបញ្ជាឲ្យផ្អាកការងារកម្មករសហជីពចំនួន២៥នាក់ នៅរោងចក្រ វីវីរិច នៅខេត្តកណ្តាល។
- លោកចៅក្រម ស៊ិន វិរៈ បានបញ្ជាឲ្យផ្អាកការងារកម្មករសហជីពចំនួន២០នាក់ នៅរោងចក្រ ហ្គោល ហ្វេម អ៊ីធ័រប្រាយ នៅខេត្តកណ្តាល។

សហជីពដែលបានចូលរួមធ្វើកូដកម្ម ក៍បានរាយការណ៍អំពីការផ្អាកការងារសមាជិកសកម្មរបស់ខ្លួននៅក្នុងរោងចក្រយ៉ាងហោចណាស់១៥កន្លែងផ្សេងទៀតផងដែរ ។

វិធានការទាំងនេះទាំងនេះ គឺជាការសងសឹកយ៉ាងចំហរមួយ នឹងបានរំលោភលើមាត្រា១២ នៃច្បាប់ស្តីពីការងារកម្ពុជា ដែលហាមឃាត់មិនឲ្យមានការរើសអើងចំពោះសមាជិកសហជីពឡើយ។

លោក យ៉េង វីរៈ នាយកប្រតិបត្តិនៃមជ្ឍមណ្ឌលអប់រំច្បាប់សំរាប់សហគមន៍មានប្រសាសន៍ “ សិទ្ធិក្នុងការរៀបចំសិទ្ធិក្នុងការតវ៉ាជាសមូហភាព និងសិទ្ធិក្នុងការធ្វើកូដកម្មត្រូវបានធានាដោយរដ្ឋធម្មនុញ្ញនៃព្រះរាជាណាចក្រកម្ពុជា ច្បាប់ស្តីពីការងារ និងអនុសញ្ញាលេខ ៨៧ របស់អង្គការពលកម្មអន្តរជាតិ ។ រាជរដ្ឋាភិបាលត្រូវតែអនុញ្ញាតឲ្យកម្មករ និងសហជីពអនុវត្តសិទ្ធិរបស់ខ្លួនបានដោយសេរី " ។
កញ្ញាណាលី ពីឡូក នាយិកាអង្គការលីកាដូ ក៍បានមានប្រសាសន៍ផងដែរថា “ ការប្រើប្រាស់តុលាការដើម្បីផ្តន្ទាទោសសកម្មជនសហជីពដោយមិនត្រឹមត្រូវបែបនេះ គឺជាការរំលោភយ៉ាងច្បាស់ក្រឡែតលើច្បាប់ស្តីពីការងារ ដូច្នោះពួកគាត់ត្រូវតែជាបញ្ឍប់ជាបន្ទាន់នូវការផ្អាកការងារដែលកើតចេញពីការរើសអើងចំពោះសមាជិកសហជីព " ។

លោក ដេវីដ វែល នាយកអង្គការ ACILS ប្រចាំប្រទេសកម្ពុជា បានមានប្រសាសន៍ថា “រដ្ឋាភិបាលហាក់ដូចជាកំពុងប្រើនូវការបំភិតបំភ័យដើម្បីបង្កើននូវអំណាចចរចាររបស់ខ្លួននាថ្ងៃទី២៧ ខែកញ្ញា ខាងមុខ”។ ការបំភិតបំភ័យហាក់បីជាយុទ្ធសាស្ត្រចម្បងរបស់ពួកគាត់។ ប៉ុន្តែការគំរាមកំហែងសហជីពពុំអាចជួយដល់ការដោះស្រាយបញ្ហាដែលកើតមានឡើងនេះឡើយ។ ការទាមទាររបស់កម្មករឲ្យមានការតម្លើងប្រាក់ឈ្នួល នេះគ្រាន់តែជាការទាមទារ ដ៍តូចមួយដើម្បីទទួលបាននូវកំរិតជីវភាពរស់នៅអប្បបរមាតែប៉ុណ្ណោះ។ ពួកគេពុំមែនទាមទារចង់បានរថយន្តឡិចស៊ីស ឬវីឡាស្កឹមស្កៃនោះឡើយ ។

ហេតុដូច្នេះ យើងខ្ញុំសូមអំពាវនាវដូចខាងក្រោម :

- សូមអោយតុលាការមានការគោរពសិទ្ធិកម្មករក្នុងការអនុវត្តសកម្មភាពសហជីព កុំចោទប្រកាន់លើសមាជិកដែលចូលរួម និងរៀបចំកូដកម្មដោយអយុត្តិធម៌ ហើយតុលាការត្រូវតែបញ្ឍប់ការស៊ើបអង្កេតដែលគ្មានមូលដ្ឋានច្បាស់លាស់លើកូដកម្ម។
- អាជ្ញាធរគ្រប់លំដាប់ថ្នាក់ ត្រូវបញ្ឈប់ការជ្រែតជ្រែកជាបន្ទាន់ក្នុងសកម្មភាពសហជីព រួមទាំងការធ្វើកូដកម្មផងដែរ។
- រដ្ឋាភិបាលត្រូវត្រៀមខ្លួនដើម្បីធ្វើការចរចារប្រកបដោយភាពស្មោះត្រង់ និងតម្លាភាព ជាមួយតំណាងសហជីពនៅថ្ងៃទី២៧ ខែកញ្ញា ខាងមុខនេះ ។ ប្រសិនបើរដ្ឋាភិបាលមិនបានបញ្ឍប់នូវការគំរាមកំហែង និងការចាប់ខ្លួនមេដឹកនាំ សហជីពទេនោះ ការចរចារ ថ្ងៃទី២៧ ខែកញ្ញាខាងមុខនេះនឹងមិនអាចទទួលបានផ្លែផ្កាឡើយ ។ មេដឹកនាំនៃភាគីចរចារនឹងពុំអាចបំពេញភារកិច្ចរបស់ខ្លួនបានពេញលេញឡើយ ខណៈដែលពួកគាត់ កំពុងមានការភ័យខ្លាចពីការចាប់ខ្លួនបែបនេះ។

សម្រាប់ព័ត៌មានបន្ថែម សូមទាក់ទង៖
▪ ACILS Country Director, David Welsh, 077 222 020
▪ CCHR Executive Director, Ou Virak, 012 404 051
▪ CCIM Director, Pa Nguon Teang, 012 598 066
▪ CHRAC Chief of Secretariat, Suon Sareth, 092 344 357
▪ CLEC Executive Director, Yeng Virak, 012 801 235
▪ LICADHO Director, Naly Pilorge, 012 803 650

PDF៖ ទាញយកសេចក្តីថ្លែងការណ៍ជាភាសាអង់គ្លេស - ទាញយកសេចក្តីថ្លែងការណ៍ជាភាសាខ្មែរ