កម្ពុជា៖ ចូរគោរពសិទ្ធិនៃសេរីភាពក្នុងការជួបជុំគ្នាដោយសន្តិវិធី
ចេញផ្សាយ ថ្ងៃទី៥ ខែកញ្ញា ឆ្នាំ២០១៣; ក្រុមសង្គមស៊ីវិល
នៅពេលគណបក្សសង្រ្គោះជាតិ (គសជ) ជាគណបក្សប្រឆាំង រៀបចំធ្វើការជួបជុំគ្នាដើម្បីធ្វើ “សមាធិ” ដោយសន្ដិវិធី នៅថ្ងៃទី ០៧ ខែ កញ្ញា ឆ្នាំ ២០១៣ នេះ ដើម្បីសុំឲ្យមានការស៊ើបអង្កេតដោយឯករាជ្យមួយ ទៅលើអ្វីដែលគណបក្សនេះចោទថាមានភាពមិនប្រក្រតី ក្នុងនេះរួមមានការឆរបោកជុំវិញការបោះឆ្នោតថ្ងៃទី ២៨ ខែ កក្កដា អង្គការមិនមែនរដ្ឋាភិបាល និងក្រុមសង្គមស៊ីវិល ដែលចុះហត្ថលេខាខាងក្រោមនេះ សូមធ្វើសេចក្ដីប្រកាសដូចតទៅ៖
រដ្ឋាភិបាលកម្ពុជា កងកម្លាំងប្រដាប់អាវុធ និងកងនគរបាល មិនគួរបន្ទុចបង្អាក់ ឬទប់ស្កាត់ប្រជាពលរដ្ឋពីការទទួលបានសិទ្ធិនៃសេរីភាពក្នុងការធ្វើការជួបជុំគ្នាដោយសន្ដិវិធីមិនថាតាមរយៈការគម្រាមកំហែង ការបំភិតបំភ័យ ឬការប្រើកម្លាំងដោយខុសច្បាប់ទេ។ ជាជំនួស គឺជាការព្វកិច្ចរបស់អាជ្ញាធរដែលត្រូវធ្វើឲ្យការប្រើប្រាស់សិទ្ធិនេះសម្រេចទៅបានយ៉ាងពេញបរិបូរណ៍ ដែលសិទ្ធិនេះត្រូវបានធានាដោយរដ្ឋធម្មនុញ្ញ និងកតិកាសញ្ញាអន្តរជាតិស្ដីពីសិទ្ធិពលរដ្ឋ និងនយោបាយ ដែលកម្ពុជាជារដ្ឋភាគី។ កាតព្វកិច្ចជាវិជ្ជមាននេះ រួមមាន ធានាសុវត្ថិភាព និងសន្ដិសុខ របស់អ្នករៀបចំ និងអ្នកចូលរួម ការជួបជុំគ្នាទាំងនេះ។ ក្នុងពេលជាមួយគ្នានេះ សិទ្ធិនៃសេរីភាពក្នុងការជួបជុំគ្នាដោយសន្ដិវិធី មិនគួរនាំឲ្យយល់ឃើញថាមានសិទ្ធិប្រព្រឹត្តការបំពានសិទ្ធិមនុស្សប្រឆាំងអ្នកដទៃទេ។
ក្នុងន័យនេះ យើងសូមស្វាគមន៍ចំពោះសេចក្ដីថ្លៃងការណ៍ជាវិជ្ជមានកាលពីពេលថ្មីៗកន្លងទៅនេះរបស់រដ្ឋាភិបាលចាំផ្ទះ ដឹកនាំដោយគណបក្សប្រជាជនកម្ពុជា (គបក) ដែលជាគណបក្សកាន់អំណាច ក្នុងនេះរួមមានឃ្លាមួយចំនួននៅក្នុងសេចក្ដីជូនដំណឹងរបស់ខ្លួន ថ្ងៃទី ៣១ ខែ សីហា ឆ្នាំ ២០១៣ អំពាវនាវឲ្យអាជ្ញាធរទាំងអស់ប្រកាន់ខ្ជាប់បទដ្ឋានសីលធម៌ និងគុណធម៌ខ្ពស់បំផុត និងប្រកាន់យកការអត់ធ្មត់ខ្ពស់បំផុត ក្នុងស្ថានភាពសព្វថ្ងៃនេះ។ យើងក៏សូមស្វាគមន៍ផងដែរ នូវសេចក្ដីណែនាំក្នុងក្រមសីលធ៌មរបស់ គសជ ដែលបានចេញផ្សាយមួយថ្ងៃបន្ទាប់ពីការអំពាវនាវឲ្យធ្វើបាតុកររក្សានូវសន្ដិភាព ក្នុងនេះរួមមានការមិនញុះញង់ឲ្យមានអំពើហឹង្សាខាងពូជសាសន៍ ដែលបានកើតមាននៅក្នុងប្រទេសកម្ពុជាកាលពីអតីតកាលផង។
ដើម្បីធានាវិសាលភាព និងការកំហិតដែលអាចអនុញ្ញាតឲ្យដាក់បាន លើសិទ្ធិនៃសេរីភាពក្នុងការជួបជុំគ្នាដោយសន្ដិវិធី ត្រូវបានយល់ និងប្រកាន់យក ទាំងដោយអាជ្ញាធរ និងបាតុករ យើងសូមអំពាវនាវខ្លួននឹងប្រកាន់ខ្ជាប់តាមបទដ្ឋាន គោលការណ៍ និងការអនុវត្តល្អបំផុតជាអន្ដរជាតិមានពាក់ព័ន្ធនានា ដែលពួកយើងផ្ទាល់បានប្រកាន់ខ្ជាប់ដោយពេញលេញ ហើយឲ្យផ្សព្វផ្សាយជាបន្ទាន់ក្នុងជួររបស់ខ្លួន និងក្នុងចំណោមប្រជាពលរដ្ឋជាទូទៅ។
អត្ថបទទាំងនេះ រួមដូចមានចែងខាងក្រោមនេះ ដែលអាចរកបានក្នុងប្រព័ន្ធអេឡិចត្រូនីក (Online) សិទ្ធិមនុស្ស sithi.org ( at http://sithi.org/peacefulassembly ) ដែលមានការដកស្រង់មកបកប្រែមួយចំនួនក៏ត្រូវបានដាក់បញ្ជូលផងដែរ៖
• “របាយការណ៍របស់ឧត្តមស្នងការទទួលបន្ទុកសិទ្ធិមនុស្ស” (ឆ្នាំ ២០១៣),
• “របាយការណ៍របស់អ្នករាយការណ៍ ពិសេសអង្គការសហប្រជាជាតិ ស្ដីអំពីសិទ្ធិនៃសេរីភាពក្នុងការជួបជុំគ្នាដោយសន្ដិវិធី និងនៃការធ្វើសមាគម” (ឆ្នាំ ២០១២),
• សេចក្ដីណែនាំអំពីសេរីភាពក្នុងការជួបជុំគ្នាដោយសន្ដវិធី” (ឆ្នាំ ២០០៧) បោះពុម្ពផ្សាយដោយអង្គការសម្រាប់សន្ដិសុខនិងសហប្រតិបត្តិការនៃអឺរ៉ុប (ដែលបានយល់ព្រមនៅក្នុងរបាយការណ៍របស់អ្នករាយការណ៍ពិសេស អសប ថាជា “ការអនុវត្តដ៏ឈានមុខជាងគេបំផុត” ស្ដីពីការជួបជុំគ្នាដោយសន្ដិវិធី),
• “បទដ្ឋានសិទ្ធិមនុស្ស និងការអនុវត្តសម្រាប់នគរបាល” (ឆ្នាំ ២០០៤) បោះពុម្ពផ្សាយដោយការិយាល័យឧត្តមស្នងការ អសប ទទួលបន្ទុកសិទ្ធិមនុស្ស,
• “គោលការណ៍ជាមូលដ្ឋាន ក្នុងការប្រើកម្លាំង និងកាំភ្លើង ដោយមន្រ្តីអនុវត្តច្បាប់” នៃ អសប (ឆ្នាំ ១៩៩០), និង
• ក្រមសីលធ៌ម សម្រាប់មន្រ្តីអនុវត្តច្បាប់” នៃ អសប (ឆ្នាំ ១៩៧៩)។
យើងក៏សូមអំពាវនាវផងដែរ ដល់រដ្ឋាភិបាលបរទេស អង្គការសហប្រជាជាតិ និងអង្គការអន្តរជាតិរដ្ឋាភិបាលដទៃទៀត សូមឲ្យចូលរួមជាមួយយើង ក្នុងការជម្រុញការជាប់ពាក់ព័ន្ធជាសាធារណៈ ដោយអ្នកមានជាប់ពាក់ព័ន្ធទាំងអស់ ទៅនឹងកាតព្វកិច្ចច្បាប់ និងអនុសាសន៍ដែលមានចែងនៅក្នុងអត្ថបទទាំងនេះក្នុងការផ្សព្វផ្សាយឲ្យបានទូលំទូលាយដែលអាចធ្វើទៅបាន និងក្នុងការសម្រួលនូវការផ្សព្វផ្សាយបែបនេះ។ យើងក៏សូមស្វាគមន៍ផងដែរ ការយកចិត្តទុកដាក់របស់អ្នករាយការណ៍ពិសេស អសប ស្ដីពីសិទ្ធិនៃសេរីភាពក្នុងការជួបជុំគ្នាដោយសន្ដិវិធី និងក្នុងការធ្វើសមាគម ក្នុងស្ថានភាពបច្ចុប្បន្ននៃប្រទេសកម្ពុជា។
សេចក្តីថ្លែងការណ៍នេះគាំទ្រដោយ៖
១. Amnesty International
២. Cambodian Center for Human Rights (CCHR)
៣. Cambodian Committee of Women (CAMBOW)
៤. Cambodian Domestic Worker Network (CDWN)
៥. Cambodian Food and Service Worker Federation (CFSWF)
៦. Cambodian Human Rights and Development Association (ADHOC)
៧. Cambodia's Independent Civil-servants Association (CICA)
៨. Cambodian League for the Promotion and Defense of Human Rights (LICADHO)
៩. The Cambodian NGO Committee on CEDAW (NGO-CEDAW)
១០. Cambodian Worker Center for Development (CWCD)
១១. Cambodian Youth Network (CYN)
១២. Civil Rights Defenders
១៣. Coalition of Cambodian Farmer Community (CCFC)
១៤. Community Legal Education Center (CLEC)
១៥. Community Peace Building Network (CPN)
១៦. Equitable Cambodia (EC)
១៧. Farmer Development Association (FDA)
១៨. Housing Rights Task Force (HRTF)
១៩. Human Rights Watch
២០. Independent Democracy of Informal Economy Association (IDEA)
២១. Life with Dignity (LWD)
២២. Neutral and Impartial Committee for Free and Fair Elections in Cambodia (NICFEC)
២៣. People’s Action for Change (PAC)
២៤. Sahmakum Teang Tnaut (STT)
PDF៖ ទាញយកសេចក្តីថ្លែងការណ៍ជាភាសាអង់គ្លេស - ទាញយកសេចក្តីថ្លែងការណ៍ជាភាសាខ្មែរ
MP3៖ ស្តាប់សំឡេងជាភាសាខ្មែរ
- ចំណងជើង & មូលបទ
- ការបោះឆ្នោត សិទិ្ធបញ្ចេញមតិ និងចូលរួម
