ទាញយក​របាយការណ៍នេះ​ជាភាសាខ្មែរ  (PDF, 9.44 MBs)
	ទាញយក​របាយការណ៍នេះ​ជាភាសាអង់គ្លេស  (PDF, 8.23 MBs)
	ស្តាប់សំឡេងជាភាសាខ្មែរ

ក្នុងអំឡុងទសវត្សចុងក្រោយនេះ ប្រជាពលរដ្ឋកម្ពុជា រាប់សែននាក់ ត្រូវបានបង្ខំឲ្យចាកចេញពីលំនៅឋាន និងដីស្រែរបស់ខ្លួន ហើយជាច្រើនអ្នក ផ្សេងទៀត ត្រូវបានគំរាមគំហែងដោយការជម្លៀសចេញពីដីធ្លីរបស់អ្នកទាំងនោះ។ ចាប់តំាងពី ឆ្នាំ២០០០ មក អង្គការលីកាដូបានប្រមូលទិន្នន័យ ដែលបង្ហាញថា ប្រជាពលរដ្ឋជាងកន្លះ លាននាក់ បានទទួលរងនូវផលប៉ះពាល់ពីបញ្ហាជម្លោះដីធ្លី ដែលអាជ្ញាធររដ្ឋមានការជាប់ពាក់ ព័ន្ធ។ ជាការឆ្លើយតប សហគមន៍ ដែលទទួលរងគ្រោះ បានរៀបចំក្រុមរបស់អ្នកទាំងនោះ ដើម្បីតវ៉ាទប់ទល់នឹងការបណ្តេញចេញពីដីធ្លី ឬផ្ទះសម្បែង ឬ ដើម្បីទាមទារសំណងសមរម្យ សម្រាប់អ្វីដែលពួកគាត់បាត់បង់។ ស្ត្រីកម្ពុជា បានដើរតួនាទីយ៉ាងសំខាន់ ក្នុងការដឹកនាំ យុទ្ធនាការតវ៉ា ហើយពួកគាត់ជាច្រើន បានក្លាយជាអ្នកដឹកនាំសហគមន៍ និងតស៊ូមតិផ្នែកសិទ្ធិ មនុស្សដ៏ឆ្នើម។

ជាការប្រារព្ធនៃការ​ចាប់ផ្តើមយុទ្ធនាកា​រអន្តរជាតិ (យុទ្ធនាការ ១៦ថ្ងៃ ប្រឆាំង​នឹងអំពើ ហិង្សាផ្នែក​យែនឌ័រ) អង្គការ​លីកាដូ បានផ្សព្វផ្សាយ​របាយការណ៍ ដែល​បានសិក្សាអំពី​ថាតើ ជីវិតរបស់​ស្ត្រីទាំងនោះបាន​ផ្លាស់ប្តូរបែបណា ដោយសារ​តែសកម្មភាព​តវ៉ារបស់អ្នកទាំងនោះ។ ការស្រាវជ្រាវនេះបាន​បង្ហាញថា ទុក្ខលំបាកដែល​អ្នកទាំងនោះ​ជូបប្រទះ មិនត្រឹមតែ​មាន ចំពោះបញ្ហា​ជីវភាព និងផ្លូវចិត្ត​របស់ពួកគាត់​ប៉ុណ្ណោះទេ ប៉ុន្តែវាក៏បណ្តាល​ឲ្យមាន​អំពើហិង្សា​ ក្នុងគ្រួសារ ឬការបែក​បាក់ ក្នុងក្រុមគ្រួសា​រផងដែរ។