អ្នកដើរហែក្បួនធម្មយាត្រា-សិទ្ធិយាត្រាលើបណ្តោយផ្លូវជាតិលេខ ២ ត្រូវបានរារាំងពីសំណាក់ទាហាន និងនគរបាល ក្នុងខេត្តតាកែវ
ចេញផ្សាយ ថ្ងៃទី៥ ខែធ្នូ ឆ្នាំ២០១៤ព្រះសង្ឃ និងជនស៊ីវិលជាង ១០០ អង្គ និងអ្នក កំពុងត្រូវបានរារាំងមិនឲ្យដើរហែ ក្បួនធម្មយាត្រា-សិទ្ធិយាត្រា ក្នុងខេត្តតាកែវ ពីសំណាក់ទាហាន និងមន្ត្រីនគរបាលដែល បំពាក់ដោយអាវុធ តាមបញ្ជារបស់លោក ឡាយ វណ្ណៈ អភិបាលខេត្តតាកែវ។ អាជ្ញាធរ អះអាងថា ការដើរហែក្បួនធម្មយាត្រា-សិទ្ធិយាត្រាអហិង្សានេះ នឹងមិនត្រូវអនុញ្ញាតនោះទេ បើមិនមានការអនុញ្ញាតពីក្រសួងមហាផ្ទៃ។
ការយាយីរបស់អាជ្ញាធរបានកើតមានឡើងតាំងពីម្សិលមិញមកម្ល៉េះ ពេលដែល អាជ្ញាធរបិទទ្វារបងវត្ត សោម ស្ថិតក្នុងស្រុកគីរីវង្ស ខេត្តតាកែវ។ ជាលទ្ធផល ព្រះសង្ស និង ប្រជាពលរដ្ឋដែលចូលរួមការដើរហែក្បួនធម្មយាត្រា-សិទ្ធិយាត្រា មិនមានទីកន្លែងសម្រាប់ ស្នាក់នៅ ហើយត្រូវស្នាក់នៅលើដីរបស់ប្រជាពលរដ្ឋដែលរស់នៅក្បែរនោះ។
នៅកន្លែងដ៏ទៃទៀតនៃប្រទេសកម្ពុជា ក្រុមផ្សេងទៀតបានចាប់ផ្តើមដើរហែក្បួន ធម្មយាត្រា-សិទ្ធិយាត្រាអហិង្សា តាមបណ្តោយផ្លូវជាតិ លេខ ១ ៣ ៤ ៥ ៦ និងលេខ ៧ ដើម្បីប្រារព្ធទិវាសិទ្ធិមនុស្សអន្តរជាតិ ហើយក្រុមទាំងអស់នឹងជូបជុំគ្នានៅរាជធានីភ្នំពេញ។
- ឯកសារទាក់ទង
- ចំណងជើង & មូលបទ
- សិទិ្ធបញ្ចេញមតិ និងចូលរួម