ទោសសកម្មជន ១១នាក់ ក្នុងចំនោម
ចេញផ្សាយ ថ្ងៃទី២៦ ខែមករា ឆ្នាំ២០១៥សាលាឧទ្ធរណ៍បានប្រកាសដំកល់សាលក្រមសាលាដំបូងរាជធានីភ្នំពេញលើករណីចំនួនពីរដែលចោទប្រកាន់ស្ត្រីជាសកម្មជនតំបន់បឹងកក់ចំនួន ១០នាក់ និងព្រះសង្ឃមួយអង្គ ដែលត្រូវបានផ្តន្ទាទោសដោយមិនត្រឹមត្រូវ។
នៅក្នុងករណីទីមួយ ទោសពន្ធនាគាររបស់អ្នកស្រី ទេព វន្នី ត្រូវបានរក្សានៅដដែល ប៉ុន្តែបន្ថយការពិន័យជាប្រាក់មកត្រឹម ៣៧៥ ដុល្លារអាមេរិក។ ទោសពន្ធនាគាររបស់កញ្ញា សុង ស្រីលាភ, អ្នកស្រី គង់ ចន្ថា, ផាន់ ឈុនរ៉េត, ប៉ូ ឆវី, និងនង ស្រេង ត្រូវបានកាត់បន្ថយមកត្រឹម ១០ ខែ និងពិន័យជាប្រាក់ ៣៧៥ ដុល្លារអាមេរិក។ ទោសពន្ធនាគាររបស់លោកយាយ ង៉ែត ឃុន ត្រូវបានកាត់បន្ថយមកត្រឹម ៦ខែ និងពិន័យជាប្រាក់ ២៥០ ដុល្លារអាមេរិក។
នៅក្នុងករណីទីពីរ ទោសរបស់អ្នកស្រី ហេង ពេជ្យ, អ៊ឹម ស្រីទូច និងភួង សុភាព ត្រូវបានកាត់បន្ថយមកត្រឹម ១០ខែ និងពិន័យជាប្រាក់ ៣៧៥ ដុល្លារអាមេរិក។ ទោសរបស់ព្រះតេជគុណ សឿងហាយ ត្រូវបានរក្សាដដែល ដោយពន្ធនាគាររយៈពេលមួយឆ្នាំ និងពិន័យជា ៥០០ ដុល្លារអាមេរិក។
អ្នកសង្កេតការណ៍សវនាការអន្តរជាតិនានា ក៏បានមកចូលរួមផងដែរ មានដូចជាការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា អង្គការសហប្រជាជាតិសម្រាប់ស្ត្រីនៅកម្ពុជា សហគមន៍អឺរ៉ុប និងស្ថានទូតអាល្លឺម៉ង់។
- ឯកសារទាក់ទង
- ចំណងជើង & មូលបទ
- តុលាការ និងនីតិរដ្ឋ សិទិ្ធបញ្ចេញមតិ និងចូលរួម ដោះលែង ១៩ នាក់ សិទ្ធិដីធ្លី