សាលាឧទ្ធរណ៍ បានបដិសេធសំណើរឲ្យនៅក្រៅឃុំរបស់ម្ចាស់ស្ថានីយ៍វិទ្យុឯករាជ្យ លោក ម៉ម សូណង់ដូ
ចេញផ្សាយ ថ្ងៃទី១៣ ខែធ្នូ ឆ្នាំ២០១២កាលពីព្រឹកមិញនេះ សាលាឧទ្ធរណ៍ បានបដិសេធសំណើរឲ្យនៅក្រៅឃុំរបស់ម្ចាស់ស្ថានីយ៍វិទ្យុឯករាជ្យ លោក ម៉ម សូណង់ដូ។ លោក សូណង់ដូ ដែលមានអាយុ ៧១ ឆ្នាំ ត្រូវបានកាត់ទោសកាលពីប៉ុន្មានខែមុននេះ លើបទល្មើសជាច្រើនដែលទាក់ទងនឹងការញុះញង់ឲ្យមានចលនាអបគមន៍។ ការផ្តន្ទាទោស ត្រូវបានគេរិះគន់ ដោយសារការផ្តន្ទាទោសនេះមិនមានមូលហេតុ និងមានលក្ខណៈនយោបាយ។ ទោះជាមិនមានភស្តុតាងដែលគួរឲ្យជឿណាមួយ ត្រូវបានបង្ហាញនៅក្នុងសវនាការក៏ដោយ ក៏គាត់ត្រូវបានតុលាការផ្តន្ទាទោសឲ្យជាប់ពន្ធនាគាររយៈពេល ២០ឆ្នាំ។ ចាប់តាំងពីពេលនោះមក ចំនួននៃសំលេង (រួមបញ្ចូលទាំងសភាអឺរ៉ុប និងប្រធានាធិបតីសហរដ្ឋអាមេរិក លោក បារ៉ាក់ អូបាម៉ា) ដែលអំពាវនាវឲ្យមានការដោះលែងលោក សូណង់ដូ មានការកើនឡើង។
- ឯកសារទាក់ទង
- ចំណងជើង & មូលបទ
- តុលាការ និងនីតិរដ្ឋ សិទិ្ធបញ្ចេញមតិ និងចូលរួម ម៉ម សូណង់ដូ