អ្នកតវ៉ាកម្ពុជាកាន់តែមានសន្ទុះខ្លាំងឡើង ប្រឆាំងនឹងច្បាប់ដែលគាបសង្កត់
ចេញផ្សាយ ថ្ងៃទី២៨ ខែមិថុនា ឆ្នាំ២០១៥
នាម៉ោង ៩ ព្រឹកនេះ សកម្មជនដីធ្លីមកពីភ្នំពេញ និងតាមបណ្តាខេត្ត អ្នកសហជីព បុគ្គលិកអង្គការជាតិ និងអន្តរជាតិ កម្មកររោងចក្រ អ្នកបើករ៉ឺម៉កម៉ូតូកង់បី ព្រះសង្ឃ កសិករ យុវជន អ្នកសារព័ត៌មាន និងអ្នកតំណាងក្រុមមនុស្សស្រលាញ់ភេទដូចគ្នា ប្រមាណ ៣៥០ អង្គ/នាក់ បានប្រមូលផ្តុំគ្នា នៅខាងមុខវិមានរដ្ឋសភាជាតិ ក្នុងរាជធានីភ្នំពេញ ដើម្បីជំទាស់ប្រឆាំងនឹងសេចក្តីព្រាងច្បាប់ពីរ៖ ច្បាប់សហជីព ច្បាប់សមាគមនិងអង្គការ។
អ្នកតវ៉ាបានកាន់ផ្កាឈូក និងបដា ហើយបានបង្ហោះប៉ោងៗ ដែលមានសារសរសេរថា “និយាយថា ទេ! ច្បាប់សហជីព ច្បាប់សមាគមនិងច្បាប់អង្គការ។” អ្នកតវ៉ាបានដើរជាក្បួនជុំវិញវិមានរដ្ឋសភាជាតិចំនួនពីរជុំ ហើយរាំ ចាក់ចម្រៀង និងច្រៀងចំរៀងបទសម័យដែលនិពន្ធពិសេសដោយយុវជនកម្ពុជា និងសកម្មជនដីធ្លីតំបន់បឹងកក់ ដើម្បីច្រានចោលច្បាប់ទាំងពីរនេះ ហើយបានសំដែងនូវសិទ្ធិរបស់ពួកគាត់ ក្នុងការប្រមូលផ្តុំ និងបញ្ចេញមតិដោយសេរី។
មុនពេលកម្មវិធីនេះចាប់ផ្តើម សន្តិសុខមានរឹបអូស និងបំផ្លាញចោលនូវប៉ោងៗពណ៌សមួយពាន់ ដែលបំរុងទុកសម្រាប់បង្ហោះនាពេលក្រោយនៃព្រឹកនេះ។
- ឯកសារទាក់ទង
- ចំណងជើង & មូលបទ
- តុលាការ និងនីតិរដ្ឋ សិទិ្ធបញ្ចេញមតិ និងចូលរួម សិទ្ធិការងារ ច្បាប់ ឬបទប្បញ្ញត្តិ
