អ្នកគាំទ្រសកម្មជនអង្គការមាតាធម្មជាតិ ៣នាក់ ត្រូវបានគេរារាំងពីការចូលក្នុងក្រុងខេមរភូមិន្ទខេត្តកោះកុង
ចេញផ្សាយ ថ្ងៃទី១៩ ខែសីហា ឆ្នាំ២០១៥សកម្មជន ៣នាក់ គឺលោក ទ្រី សុវិគា អាយុ ២៣ឆ្នាំ លោក សាន់ ម៉ាឡា អាយុ ២៣ឆ្នាំ និងលោក ស៊ីម សំណាង អាយុ ២៨ឆ្នាំ ត្រូវបានចាប់ខ្លួនកាលពីថ្ងៃទី១៧ ខែសីហា អំឡុងពេលដែលពួកគេតវ៉ាដើម្បីបញ្ឈប់ការបូមខ្សាច់នៅក្នុងខេត្តកោះកុងដែលត្រូវបានគេអះអាងថា ធ្វើឡើងដោយខុសច្បាប់។ អ្នកទាំងនោះ ត្រូវបានចោទប្រកាន់ដោយយោងតាមមាត្រា ៤២៤ នៃក្រមព្រហ្មទណ្ឌ ពីបទគម្រាមកំហែងថានឹងធ្វើឲ្យខូចខាតដោយភ្ជាប់នឹងបញ្ជាអ្វីមួយ។ បច្ចុប្បន្ននេះ អ្នកទាំងបីនាក់នោះ កំពុងត្រូវបានឃុំខ្លួននៅក្នុងពន្ធនាគារខេត្តកោះកុង។ កងរាជអាវុធហត្ថ បានរារាំងអ្នកគាំទ្រប្រមាណ ៣០នាក់ ពីការចូលទៅក្នុងក្រុង ដែលអ្នកទាំងនោះគ្រោងនឹងប្រមូលផ្តុំគ្នានៅមុខតុលាការខេត្តកោះកុង ដើម្បីតវ៉ាជំទាស់នឹងការចាប់ខ្លួនសកម្មជនទាំង ៣នាក់។ ចំណែកឯអ្នកគាំទ្រប្រមាណ ២៥នាក់ផ្សេងទៀត កំពុងធ្វើការតវ៉ានៅមុខពន្ធនាគារ ដោយសារអ្នកទាំងនោះបានចូលក្នុងក្រុងមុនពេលមានការបិទផ្លូវ។
- ឯកសារទាក់ទង
- ចំណងជើង & មូលបទ
- សិទិ្ធបញ្ចេញមតិ និងចូលរួម សិទ្ធិដីធ្លី មាតាធម្មជាតិ