ប្រជាពលរដ្ឋរាប់រយនាក់បន្តការតវ៉ាបញ្ហាដីធ្លីជាមួយនឹងក្រុមហ៊ុនស្ករអំពៅក្នុងខេត្តកោះកុង
ចេញផ្សាយ ថ្ងៃទី២៥ ខែមីនា ឆ្នាំ២០១៦នាថ្ងៃនេះ ប្រជាពលរដ្ឋប្រមាណជា ៣០០ នាក់មកពីបណ្តាឃុំចំនួនបួនដែលស្ថិតនៅក្នុងស្រុកស្រែអំបិល និងស្រុកបុទុមសាគរ ខេត្តកោះកុង បាននាំគ្នាដើរក្បួនដាក់ញត្តិជូនដល់អភិបាលស្រុកដើម្បីតវ៉ាទៅនឹងការរំលោភបំពានដីធ្លីពីសំណាក់ក្រុមហ៊ុនស្ករអំពៅ។
សហគមន៍បានដាក់ញត្តិជូនអភិបាលស្រុកដើម្បីទាមទារដំណោះស្រាយចំពោះបញ្ហាដីធ្លីដែលកំពុងបន្តកើតឡើងជាមួយនឹងក្រុមហ៊ុនផ្គត់ផ្គង់ស្ករអំពៅថៃ ដែលជាម្ចាស់ភាគហ៊ុនធំមួយរបស់ក្រុមហ៊ុន Koh Kong Plantation និងក្រុមហ៊ុន Koh Kong Sugar។ ជម្លោះដីធ្លីជាមួយក្រុមហ៊ុនទាំងនេះ កើតមានលើផ្ទៃដីជាង ៩០០ ហិកតា និងបាត់បង់មុខរបរចិញ្ចឹមជីវិត របស់ប្រជាពលរដ្ឋក្នុងតំបន់ បន្ទាប់ពីក្រុមហ៊ុនទាំងនោះ (ដែលមានភាគហ៊ុនមួយផ្នែកជារបស់សមាជិកព្រឹទ្ធសភាមកពីគណបក្សកាន់អំណាច លោក លី យ៉ុងផាត់) ទទួលបានដីសម្បទានសេដ្ឋកិច្ចក្នុងទំហំសរុប ប្រហែលជា ២០.០០០ ហិកតា។
ចាប់តាំងពីឆ្នាំ ២០០៦មក សហគមន៍បានធ្វើការតវ៉ាទាមទារយ៉ាងសកម្មចំពោះបញ្ហាដីធ្លីដែលប្រព្រឹត្តិដោយក្រុមហ៊ុនស្ករអំពៅនេះ។
- ឯកសារទាក់ទង
- ចំណងជើង & មូលបទ
- សិទ្ធិដីធ្លី លី យ៉ុងផាត់