អ្នកការពារសិទិ្ធមនុស្សចំនួន ៥ នាក់ទៀត ត្រូវបានចាប់ខ្លួន
ចេញផ្សាយ ថ្ងៃទី៦ ខែមករា ឆ្នាំ២០១៤អ្នកតំណាងសហគមន៍បឹងកក់ជាស្ត្រីចំនួន ប្រាំនាក់ ត្រូវបានចាប់ខ្លួននាព្រឹកនេះ នៅពេលដែលអ្នកទាំងនោះរៀបចំធ្វើការតវ៉ានៅមុខស្ថានទូតបារាំង ស្នើសុំឲ្យមានការដោះលែងអ្នកការពារសិទិ្ធមនុស្សដទៃទៀតដែលត្រូវបានឃុំខ្លួន។
នៅពេលដែលអាជ្ញាធរបន្តបដិសេធបង្ហាញទីកន្លែងនៃការឃុំខ្លួនមនុស្សយ៉ាងតិច ២៣ នាក់ផ្សេងទៀត ដែលជាអ្នកត្រូវបានគេចាប់ខ្លួន និងចោទប្រកាន់បទល្មើសព្រហ្មទណ្ឌអំឡុងពេលនៃការបង្ក្រាបយ៉ាងហិង្សានៅរាជធានីភ្នំពេញ។ មនុស្សម្នាក់ក្នុងចំនោមអ្នកទាំងនោះ គឺជាក្មេងប្រុសអាយុ ១៧ ឆ្នាំ។ ក្នុងរយៈពេល ៣ថ្ងៃមុននេះ ក្រុមគ្រួសាររបស់អ្នកទាំងនោះ ក្រុមមេធាវី និងក្រុមគ្រូពេទ្យឯករាជ្យមួយចំនួន មិនបានទទួលដំណឹងអំពីទីកន្លែង និងស្ថានភាពនៃសុខភាពរបស់អ្នកទាំងនោះនោះទេ។ មនុស្សមួយចំនួននៃអ្នកទាំងនោះ ត្រូវបានគេវាយដំឲ្យរងរបួសយ៉ាងធ្ងន់ធ្ងរ ក្នុងអំឡុងពេលនៃការចាប់ខ្លួននៅក្នុងរាជធានីភ្នំពេញ ហើយត្រូវការការព្យាបាលជាបន្ទាន់។
អ្នកដែលត្រូវបានចាប់ខ្លួននាព្រឹកនេះមាន អ្នកស្រី ទេព វន្នី អ្នកស្រី យ៉ោម បុប្ផា អ្នកស្រី ផាន់ ឈុនរ៉េត អ្នកស្រី ប៊ូ ឆវី និងកញ្ញា សុខ ស្រីលាភ។ អ្នកទាំង ៥ ត្រូវបានឃាត់ខ្លួននៅស្នងការនគរបាលរាជធានីភ្នំពេញ តាមបណ្តោយផ្លូវជាតិលេខ ៥។
- ចំណងជើង & មូលបទ
- សិទិ្ធបញ្ចេញមតិ និងចូលរួម ដោះលែង ២៣ នាក់ សិទ្ធិដីធ្លី