ការជួបជុំនៅតែបន្តដើម្បីស្វែងរកយុត្តិធម៌ និងស្នើរដោះលែងអ្នកទាំង២១នាក់
ចេញផ្សាយ ថ្ងៃទី៣ ខែមីនា ឆ្នាំ២០១៤ព្រឹកនេះ ក្រុមអង្គការសង្គមស៊ីវិលបានជួបជុំគ្នាជាថ្មីម្តងទៀត ដើម្បីអំពាវនាវសុំឲ្យមានការដោះលែងអ្នកទាំង២១នាក់ ដែលរួមមានទាំងកម្មកររោងចក្រ និងសកម្មជនសិទ្ធិមនុស្សដែលបានចាប់ខ្លួនកាលពីដើមខែមករាកន្លងមក។
ក្រុមសង្គមស៊ីវិល ដែលរួមមានសហគមដីធ្លី ព្រះសង្ឃ បណ្តាញយុវជន សហជីព និងអង្គការមិនមែនរដ្ឋាភិបាល បាននាំគ្នាបួងសួង វាយស្គរ និងច្រៀងនៅខាងក្រៅបរិវេណវត្តឧណ្ណាលោមអស់រយៈពេលប្រហែលមួយម៉ោងចាប់ផ្តើមពីម៉ោង៨ព្រឹកទៅ។ ការជួបជុំនោះត្រូវបានរំខានបន្ទាប់ពីអាជ្ញាធរបានដកហូតយកស្គ និងមេក្រូរបស់ពួកគេ។ ក្រុមអ្នកតវ៉ាដ៏តូចមួយដែលមានអ្នកចូលរួមប្រមាណជា២០០នាក់ ភាគច្រើនជាសហគមដីធ្លីបានធ្វើដំណើរឆ្ពោះទៅកាន់សាលាខ័ណ្ឌដូនពេញ ដើម្បីស្នើរសុំយកឧបករណ៍របស់ពួកគេត្រលប់មកវិញ។ ពួកគេបានប្រឈមមុខជាមួយនឹងសន្តិសុខដែលខាងក្រៅសាលាខ័ណ្ឌ បានបង្កើតឲ្យមានការប៉ះទង្គិចតូចមួយបណ្តាលឲ្យស្រ្តីពីរនាក់បានរងរបួស។
- ឯកសារទាក់ទង
- ចំណងជើង & មូលបទ
- សិទិ្ធបញ្ចេញមតិ និងចូលរួម ដោះលែង ២៣ នាក់