សកម្មជនសិទិ្ធមនុស្ស និងកម្មករទាំង ២១ នាក់ ក្នុងចំណោមអ្នកទាំង ២៣ នាក់ ត្រូវបានបញ្ជូនមកពន្ធនាគារក្នុងរាជធានីភ្នំពេញ ដើម្បីត្រៀមបើកសវនាការនាថ្ងៃសុក្រ
ចេញផ្សាយ ថ្ងៃទី២៣ ខែមេសា ឆ្នាំ២០១៤
នាព្រឹកនេះ សកម្មជនសិទិ្ធមនុស្ស និងកម្មករទាំង ២១នាក់ ដែលបានជាប់ឃុំនៅពន្ធនាគារ ម៣ (មណ្ឌលអប់រំកែប្រែទី ៣) នៅខេត្តកំពង់ចាមចាប់តាំងពីមានការចាប់ខ្លួនអំឡុងពេលបាតុកម្មនៅក្នុងខែមករា ត្រូវបានបញ្ជូនមកឃុំខ្លួនរយៈពេលពីរយប់ នៅពន្ធនាគារ ម១ ឬព្រៃស (មណ្ឌលអប់រំកែប្រែទី ១) ក្នុងរាជធានីភ្នំពេញ។ ការបង្ក្រាបរបស់រាជរដ្ឋាភិបាលក្នុងព្រឹត្តិការណ៍ខែមករានោះ បណ្តាលឲ្យមនុស្សយ៉ាងតិចណាស់ ៤ នាក់បានស្លាប់។
អ្នកទាំង ២១ នាក់ និងបុរស ២ នាក់ ដែលត្រូវបានដោះលែងឲ្យនៅក្រៅឃុំកាលពីពេលមុន នឹងត្រូវជំនុំជំរះនាថ្ងៃសុក្រ ទី២៥ នេះ នៅសាលាដំបូងរាជធានីភ្នំពេញ ក្នុងសវនាការចំនួនបី ដាច់ដោយឡែកពីគ្នា។ នាថ្ងៃដដែលនេះ សវនាការទីបួន នឹងត្រូវបានធ្វើចំពោះបុរសពីរនាក់ផ្សេងទៀត ដែលត្រូវបានចាប់ខ្លួនអំឡុងពេលការបង្ក្រាបលើបាតុកម្មកម្មកររោងចក្រ SL កាលពីខែវិចិ្ឆកាឆ្នាំមុន ដែលនៅពេលនោះបណ្តាលឲ្យអាជីវករតាមផ្លូវម្នាក់ ត្រូវបានបាញ់សម្លាប់។ ម្នាក់ក្នុងចំណោមនាក់ទាំងពីរ បច្ចុប្បន្នកំពុងត្រូវបានឃុំខ្លួនបណ្តោះអាសន្នក្នុងពន្ធនាគារ ម១ រីឯម្នាក់ទៀត ត្រូវបានដោះលែងឲ្យនៅក្រៅឃុំបណ្តោះអាសន្ន។
លីកាដូ នឹងធ្វើការផ្សាយផ្ទាល់នូវសវនាការ ទាំងបួនដែលនឹងត្រូវធ្វើឡើងនៅថ្ងៃសុក្រនេះ ដោយធ្វើការចាប់ផ្តើមនាពេលរសៀលថ្ងៃស្អែក។
- ឯកសារទាក់ទង
- ចំណងជើង & មូលបទ
- តុលាការ និងនីតិរដ្ឋ ដោះលែង ២៣ នាក់ សិទ្ធិការងារ
