ស្ត្រីបឹងកក់ដែលត្រូវបានចាប់ខ្លួន បានចូលខ្លួនក្នុងសាលាដំបូងរាជធានីភ្នំពេញ
ចេញផ្សាយ ថ្ងៃទី១១ ខែវិច្ឆិកា ឆ្នាំ២០១៤
អ្នកតំណាងសហគមន៍បឹងកក់ទាំងប្រាំពីរនាក់ ដែលត្រូវបានចាប់ខ្លួន និងឃុំខ្លួនកាលពីម្សិលមិញ បន្ទាប់ពីមានការតវ៉ានៅក្រៅសាលារាជធានីភ្នំពេញ ត្រូវបានបញ្ជួនខ្លួនទៅជួបព្រះរាជអាជ្ញា លោក សៀង សុខ នៅសាលាដំបូងរាជធានីភ្នំពេញ នាព្រឹកនេះ។
ស្ត្រីទាំងប្រាំពីរនាក់ ត្រូវបានសាកសួរនៅមុខតុលាការ បន្ទាប់ពីអាជ្ញាធរបានចោទប្រកាន់អ្នកទាំងនោះកាលពីម្សិលមិញពីបទ បង្កឧបសគ្គដល់ចរាចរណ៍សាធារណៈ (មាត្រា ៧៨ នៃច្បាប់ចរាចរណ៍ផ្លូវគោក) និងបទជេរប្រមាធដល់មន្ត្រីរាជការសាធារណៈ (មាត្រា ៥០២ នៃក្រមព្រហ្មទណ្ឌ)។ អ្នកគាំទ្រចំនួន ៥០ នាក់ បានធ្វើការប្រមូលផ្តុំនៅក្រៅតុលាការ ដើម្បីគាំទ្រអ្នកទាំងនោះ។
នៅតំបន់ដែលនៅក្បែរអតីតបឹងកក់ ត្រូវបានលិចអស់រយៈពេលជាច្រើនថ្ងៃ ដោយមានការអះអាងថាមានការបង្ហូរទឹកស្អុយដោយចេតនាចូល ដោយមានការគ្រប់គ្រងដោយអាជ្ញាធរសាលារាជធានីភ្នំពេញ។
អ្នកដែលត្រូវបានឃាត់ខ្លួនមាន អ្នកស្រី ង៉ែត ឃុន អ្នកស្រី ទេព វន្នី កញ្ញា សុង ស្រីលាភ អ្នកស្រី គង់ ចន្ថា អ្នកស្រី ផាន់ ឈុនរ៉េត ដែលជាអ្នកធ្លាប់ត្រូវបានចាប់ខ្លួន និងផ្តន្ទាទោសដាក់ពន្ធនាគារកាលពីឆ្នាំ ២០១២ ដោយសារភាពសកម្មនិយមអហិង្សារបស់អ្នកទាំងនោះ។ អ្នកតំណាងសហគមន៍ពីរនាក់ទៀតមាន កញ្ញា ប៊ូ ឆវី និង នង ស្រេង ក៏ត្រូវបានចាប់ខ្លួនផងដែរ។
- ឯកសារទាក់ទង
- ចំណងជើង & មូលបទ
- សិទិ្ធបញ្ចេញមតិ និងចូលរួម ដោះលែង ១៩ នាក់ សិទ្ធិដីធ្លី
