ថ្ងៃទី១៣ ខែវិច្ឆិកា ឆ្នាំ២០១៤ នៅព្រឹកនេះ សមាជិកយុវជនរបស់គណបក្សសង្គ្រោះជាតិ ទេព ណារិន ត្រូវបានចាប់ខ្លួនដោយអាជ្ញាធរក្នុងស្រុក បន្ទាប់ពីមិនមានការរាយការណ៍ទៅកាន់ប៉ុស្តិ៍នគរបាលរាជធានីភ្នំពេញ។ ជារាងរាល់ពីរសប្តារហ៍ម្តង ណារិន តម្រូវឲ្យបង្ហាញវត្តមាននៅប៉ុស្តិ៍នគរបាល ខណៈពេលដែលលោកត្រូវបានដាក់ឲ្យស្ថិតនៅក្រោមការត្រួតពិនិត្យរបស់តុលាការ។

ណារិន ត្រូវបានចោទប្រកាន់ដោយព្រះរាជអាជ្ញា លោក កែវ សុជាតិ ក្នុងការចូលរួមចំណែកប្រើប្រាស់អំពើហិង្សាដែលបានកើតឡើងនៅទីលានប្រជាធិបតេយ្យ កាលពីថ្ងៃទី១៥ ខែកក្កដា ឆ្នាំ២០១៤។

បច្ចុប្បន្ននេះ លោកត្រូវបានគេឃុំខ្លួននៅប៉ុស្តិ៍នគរបាលរាជធានីភ្នំពេញ។

ណារិន ជាសមាជិកទីពីររបស់គណបក្សសង្រ្គោះជាតិដែលត្រូវបានគេចាប់ខ្លួនកាលពីពេលពីរថ្ងៃមុន ក្រោយពីមានការចាប់ខ្លួន និងឃុំខ្លួនបេក្ខជនគណបក្សសង្គ្រោះជាតិខេត្តបន្ទាយមានជ័យ លោក មាជ សុវណ្ណារ៉ា កាលពីថ្ងៃអង្គារ៍ ទី១១ ខែវិច្ឆិកា ឆ្នាំ២០១៤។ ជាសរុប មន្រ្តីរបស់គណបក្សសង្គ្រោះជាតិ និងសកម្មជនចំនួន ១៥នាក់បច្ចុប្បន្នត្រូវបានចាប់ខ្លួនពាក់ព័ន្ធករណីអំពើហិង្សាដែលបានកើតឡើងនៅទីលានប្រជាធិបតេយ្យ កាលពីថ្ងៃទី១៥ ខែកក្កដា។