សកម្មជនបរិស្ថាន លោក អាឡិច ត្រូវបានបណ្តេញចេញពីកម្ពុជាហើយ
ចេញផ្សាយ ថ្ងៃទី២៣ ខែកុម្ភៈ ឆ្នាំ២០១៥សកម្មជនបរិស្ថាន លោក Alejandro Gonzalez-Davidson (អាឡិច) មកពីអង្គការមិនមែនរដ្ឋាភិបាលការពារបរិស្ថានក្នុងស្រុកមួយឈ្មោះ មាតាធម្មជាតិ ត្រូវបានបណ្តេញចេញពីប្រទេសកម្ពុជា តាមរយៈជើងហោះហើរ Thai Airways លេខ TG585 ដែលនឹងត្រូវចាកចេញហើយទៅដល់ទីក្រុងបាងកក ប្រទេសថៃ នៅម៉ោង ៨៖៣៥ ល្ងាចនេះ។ លោក អាឡិច នឹងត្រូវបន្តហោះហើរតាមរយៈជើងហោះហើរ Thai Airways លេខ TG948 នៅម៉ោង ១២៖១០ ពាក់កណ្តាលអាធ្រាតយប់នេះ ទៅទីក្រុង ម៉ាទ្រីត ប្រទេសអេស្ប៉ាញ។
សកម្មជនបរិស្ថាន ដែលបានធ្វើការនៅតំបន់អារ៉ែង ខេត្តកោះកុង ត្រូវបានចាប់ខ្លួន និងបង្ខំឲ្យចូលរថយន្តនៅក្បែរផ្សាររាត្រីនៅរាជធានីភ្នំពេញ ដោយអាជ្ញាធររដ្ឋាភិបាល គឺត្រឹមតែរយៈពេលប៉ុន្មានម៉ោងប៉ុណ្ណោះបន្ទាប់ពីការថ្លែងសុន្ទរកថាសាធារណៈរបស់សម្តេចនាយករដ្ឋមន្ត្រី។ អ្នកគាំទ្រប្រមាណ ១០០នាក់បានប្រមូលផ្តុំគ្នានៅក្រៅនាយកដ្ឋានអន្តោប្រវេសន៍ ជាកន្លែងដែលគាត់ស្ថិតនៅចុងក្រោយចាប់តាំងពីម៉ោង ២៖៣០ នាទីរសៀលនេះ។
- ឯកសារទាក់ទង
- ចំណងជើង & មូលបទ
- សិទិ្ធបញ្ចេញមតិ និងចូលរួម សិទ្ធិដីធ្លី មាតាធម្មជាតិ