សវនាការឧទ្ធរណ៍លើសំណុំរឿងរបស់អ្នកទាំង ១១ បានចាប់ផ្តើម
ចេញផ្សាយ ថ្ងៃទី១៧ ខែមីនា ឆ្នាំ២០១៦
.JPG)
នាព្រឹកនេះ សាលាឧទ្ធរណ៍ បានចាប់ផ្តើមសវនាការលើសំណុំរឿងនៃការផ្តន្ទាទោសអ្នកគាំទ្រ និងមន្ត្រីគណបក្សសង្គ្រោះជាតិទាំង ១១នាក់ ដែលត្រូវបានចាប់ខ្លួនកាលពីចុងឆ្នាំ ២០១៤ ដោយសារការចូលរួមរបស់អ្នកទាំងនោះនៅក្នុងការតវ៉ារបស់គណបក្សសង្គ្រោះជាតិកាលពីខែកក្កដា ឆ្នាំ២០១៤ ដែលក្រោយមកបានប្រែក្លាយជាមានអំពើហិង្សា។
អ្នកទាំង ១១ នាក់ ត្រូវបានផ្តន្ទាទោសពីបទល្មើសពាក់ព័ន្នឹងការធ្វើកុបកម្ម កាលពីខែកក្កដា ឆ្នាំ២០១៥ ក្រោយពីមានការបើកសវនាការមិនត្រឹមត្រូវមួយ ហើយអ្នកទាំងនោះត្រូវបានកាត់ទោសឲ្យជាប់ពន្ធនាគារពី ៧ឆ្នាំ ទៅ ២០ឆ្នាំ។ នៅថ្ងៃនេះ សវនាការឧទ្ធរណ៍ គឺជាសវនាការអំពីនីតិវិធីតែប៉ុណ្ណោះ ចំណែកឯសវនាការលើអង្គសេចក្តី សាលាឧទ្ធរណ៍បានសម្រេចពន្យាពេលទៅលើកក្រោយវិញ។ ចៅក្រម ក៏បានបដិសេធសំណើរសុំរបស់លោក មាជ សុវណ្ណារ៉ា ដែលជាជនជាប់ចោទម្នាក់ ក្នុងចំណោមជនជាប់ចោទទាំង ១១នាក់ ដោយមិនអនុញ្ញាតឲ្យលោកចេញទៅព្យាបាលនៅក្រៅប្រទេសនោះទេ។
- ឯកសារទាក់ទង
- ចំណងជើង & មូលបទ
- តុលាការ និងនីតិរដ្ឋ សិទិ្ធបញ្ចេញមតិ និងចូលរួម អំពើនៅទីលានប្រជាធិបតេយ្យ ២០១៤
