មនុស្ស២០០ នាក់ ជួបជុំគ្នានៅមុខវិមានរដ្ឋសភា រាជធានីភ្នំពេញ ដើម្បីតវ៉ាពីការចាប់ខ្លួនមនុស្សជាច្រើននាក់
ចេញផ្សាយ ថ្ងៃទី១៤ ខែវិច្ឆិកា ឆ្នាំ២០១៤នៅព្រឹកនេះ មនុស្សប្រមាណ ២០០ នាក់ រួមមាន ព្រះសង្ឃ តំណាងសហគមន៍ អ្នកសារព័ត៌មាននិងបុគ្គលិកអង្គការមិនមែនរដ្ឋាភិបាលជាច្រើននាក់បានជួបជុំគ្នានៅមុខវិមានរដ្ឋសភាដើម្បីអំពាវនាវស្នើសុំឲ្យដោះលែងសកម្មជនដែលបានចាប់ខ្លួននាពេលថ្មីៗនេះ ។
តាំងពីពេលព្រលឹមមក អ្នកតវ៉ាចំនួនពីររ៉ឺម៉កកង់បីត្រូវបានរារាំងជាបណ្តោះអាសន្នក្នុងការធ្វើដំណើរឆ្ពោះទៅកន្លែងជួបជុំគ្នា។
ចាប់តាំងពីថ្ងៃច័ន្ទមក មានមនុស្សចំនួន ១៥ នាក់ រួមទាំង ព្រះសង្ឃ ៣ អង្គ ដែលត្រូវបានគេចាប់ផ្សឹកថ្មីៗនេះ និងសមាជិកគណបក្សសង្រ្គោះជាតិចំនួន ២ នាក់ ត្រូវបានចាប់ខ្លួន និងបញ្ជូនទៅពន្ធនាគារដោយសារអ្នកទាំងនោះប្រើប្រាស់សិទ្ធិក្នុងការតវ៉ាដោយសន្តិវិធី។
មនុស្ស ១១ នាក់ ក្នុងចំណោមអ្នកទាំងនោះ ត្រូវបានគេជំនុំជម្រះយ៉ាងតក់ក្រហល់ និងសម្រេចផ្តន្ទាទោសដាក់ពន្ធនាគាររយៈពេល ១ ឆ្នាំ។
- ឯកសារទាក់ទង
- ចំណងជើង & មូលបទ
- តុលាការ និងនីតិរដ្ឋ សិទិ្ធបញ្ចេញមតិ និងចូលរួម ដោះលែង ១៩ នាក់ សិទ្ធិដីធ្លី