នាព្រឹកនេះ ព្រះសង្ស តំណាងអង្គការ និងសកម្មជនដីធ្លីមកពីសហគមន៍ បឹងកក់ ថ្មគោល បុរីកីឡា និងឡពាង បានជូបជុំគ្នានៅខាងក្រៅមណ្ឌលអប់រំកែប្រែទី១ និងទីពីរ (ព្រៃសរ) ដើម្បីអំពាវនាវឲ្យដោះលែងសកម្មជនទាំង ១៧ អង្គ និងនាក់ ដែលកំពុងជាប់ឃុំឃំាង។ ក្រុមអ្នកតវ៉ា ដោយរួមទាំង គ្រួសាររបស់អ្នកជាប់ឃុំឃាំងផងនោះ បានថ្លែងសុន្ទរកថា និងបង្ហោះប៉ោងៗ មុនពេលដើរក្បួនទៅក្បែរពន្ធនាគារទាំងពីរនោះ។

កាលពីសប្តាហ៍មុន សកម្មជនដីធ្លីចំនួន ១០ នាក់ ព្រះសង្ឃដែលទើបចាប់ផ្សឹកចំនួន ៣ អង្គ និង សមាជិកគណបក្សសង្គ្រោះជាតិចំនួន ២ នាក់ ត្រូវបានចាប់ខ្លួន និងបញ្ជួនទៅឃុំឃាំងនៅ ពន្ធនាគារ ដោយសារពួកគាត់អនុវត្តសិទ្ធិតវ៉ាដោយអហិង្សារបស់អ្នកទាំងនោះ។ ១១ នាក់ ក្នុងចំណោមអ្នកទាំងនោះ ត្រូវបានកាត់ទោស និងផ្តន្ទាទោសភ្លាមៗ ឲ្យជាប់ពន្ធនាគាររយៈពេល ១ ឆ្នាំ។ សមាជិក ២ រូប ផ្សេងទៀត របស់គណបក្សសង្គ្រោះជាតិបានជាប់ពន្ធនាគារតាំងពីរខែមុនមកម្ល៉េះ។