សកម្មជនដីធ្លីទាំង៦នាក់ដែលត្រូវបានចាប់ខ្លួនកាលពីម្សិលមិញត្រូវបានដោះលែងមកវិញ ខណៈយុទ្ធនាការអហិង្សាថ្ងៃច័ន្ទពណ៌ខ្មៅត្រូវបានបំបែក
ចេញផ្សាយ ថ្ងៃទី៥ ខែកញ្ញា ឆ្នាំ២០១៦សកម្មជនដីធ្លីចំនួនប្រាំមួយនាក់ដែលត្រូវបានជាប់ឃុំក្នុងអធិការរដ្ឋាននគរបាលខណ្ឌដង្កោ កាលពីម្សិលមិញ ត្រូវបានដោះលែងមកវិញនៅរសៀលនេះ ខណៈដែលប្រជាពលរដ្ឋមួយចំនួនបានប្រារព្ធយុទ្ធនាការអហិង្សាថ្ងៃច័ន្ទពណ៌ខ្មៅសប្ដាហ៍ទី១៨។
ស្រ្តីទាំង៦រូប (ក្នុងនោះមានស្រ្តីចំណាស់អាយុ ៧៦ឆ្នាំម្នាក់ ដែលបានរងរបួសក្នុងពេលចាប់ខ្លួន) ដែលត្រូវបានឃុំខ្លួនរយៈពេលមួយយប់ក្នុងអធិការរដ្ឋាននគរបាលខណ្ឌដង្កោក្រោយពីអ្នកទាំងនោះត្រូវបានចាប់ខ្លួនកាលពីម្សិលមិញ អំឡុងពេលការប្រមូលផ្ដុំគ្នាមួយដើម្បីអំពាវនាវសូមឲ្យមានការដោះលែងអ្នកការពារសិទ្ធិមនុស្សមួយចំនួនដែលកំពុងជាប់ឃុំ រួមទាំងតំណាងសហគមន៍បឹងកក់គឺ អ្នកស្រី ទេព វន្នី ដែលត្រូវបានចាប់ខ្លួនក្នុងព្រឹត្តិការណ៍អហិង្សាថ្ងៃច័ន្ទពណ៌ខ្មៅ កាលពីថ្ងៃទី១៥ ខែសីហា។
កាលពីព្រឹកមិញនេះ មន្រ្តីនគរបាល និងសន្តិសុខជាច្រើនបានបំបែកការតវ៉ាក្នុងយុទ្ធនាការអហិង្សាថ្ងៃច័ន្ទពណ៌ខ្មៅ ដោយបានហែកបំផ្លាញ និងដុតចោលបដា រួមទាំងស្លាកសញ្ញាមួយចំនួនដែលបានធ្វើឡើងដោយសហគមន៍បូរីកីឡា។
- ឯកសារទាក់ទង
- ចំណងជើង & មូលបទ
- យុទ្ធនាការថ្ងៃច័ន្ទពណ៌ខ្មៅ សិទិ្ធបញ្ចេញមតិ និងចូលរួម សិទ្ធិដីធ្លី