មន្ត្រីគណបក្សសង្គ្រោះជាតិទី ៩ ត្រូវបានចាប់ខ្លួន អំឡុងពេលចរចាវិសោធនកម្មរដ្ឋធម្មនុញ្ញ
ចេញផ្សាយ ថ្ងៃទី២ ខែសីហា ឆ្នាំ២០១៤
នៅវេលាម៉ោង ៧ កន្លះ ព្រឹកនេះ លោក ឃីម ជំរឿន ប្រធានយុវជនគណបក្សសង្គ្រោះជាតិរាជធានីភ្នំពេញ ត្រូវបានចាប់ខ្លួននៅភោជនីយដ្ឋានមួយក្នុងទីក្រុងតាខ្មៅ ខេត្តកណ្តាល ភាគខាងត្បូងរាជធានីភ្នំពេញ ហើយត្រូវបានបញ្ជូនខ្លួនទៅកាន់ស្នងការដ្ឋាននគរបាលរាជធានីភ្នំពេញ។ លោក ជំរឿន ត្រូវបានចោទប្រកាន់ជាមួយនឹងមន្ត្រីគណបក្សសង្គ្រោះជាតិ ៨នាក់ផ្សេងទៀត ដែលត្រូវបានឃុំខ្លួនអស់មួយសប្តាហ៍នៅពន្ធនាគារព្រៃស ម១ និងម២ ពាក់ព័ន្ធនឹងអំពើហិង្សានៅទីលានប្រជាធិបតេយ្យកាលពីថ្ងៃទី១៥ ខែកក្កដា។
ការចាប់ខ្លួនលោក ជំរឿន នៅក្នុងពេលវេលាដ៏តានតឹងនេះ នៅខណៈដែលគណបក្សសង្គ្រោះជាតិបន្តចរចាលើការធ្វើវិសោធនកម្មរដ្ឋធម្មនុញ្ញជាមួយគណបក្សប្រជាជនកម្ពុជា។ លើសពិនេះ មន្ត្រីគណបក្សសង្គ្រោះជាតិទាំង ៨នាក់ ដែលទើបតែត្រូវបានដោះលែងបណ្តោះអាសន្ន ជាផ្នែកមួយនៃការចរចានយោបាយកាលពីថ្ងៃទី២២ ខែកក្កដា កំពុងប្រឈមមុខនឹងបទចោទប្រកាន់ និងត្រូវបានកោះហៅឲ្យចូលខ្លួនឆ្លើយបំភ្លឺនៅថ្ងៃខាងមុខ។
- ឯកសារទាក់ទង
- ចំណងជើង & មូលបទ
- ការបោះឆ្នោត សិទិ្ធបញ្ចេញមតិ និងចូលរួម អំពើនៅទីលានប្រជាធិបតេយ្យ ២០១៤
