សវនាការលើសកម្មជនបីនាក់ និងព្រះសង្ឃមួយអង្គ កំពុងប្រព្រឹត្តទៅ
ចេញផ្សាយ ថ្ងៃទី១២ ខែវិច្ឆិកា ឆ្នាំ២០១៤
សវនាការសកម្មជនទាំងបីនាក់ និងព្រះសង្ឃមួយអង្គ (ដែលត្រូវបានចាប់ផ្សឹកបន្ទាប់ពីត្រូវបានចាប់ខ្លួន) កំពុងតែប្រព្រឹត្តទៅនាពេលនេះ។ អ្នកទាំង ៤នាក់ ត្រូវបានចាប់ខ្លួនកាលពីព្រឹកម្សិលមិញ នៅពេលដែលអ្នកគាំទ្របានប្រមូលផ្តុំគ្នានៅខាងមុខសាលាដំបូងរាជធានីភ្នំពេញ ដើម្បីតវ៉ាលើការចាប់ខ្លួនតំណាងសហគមន៍បឹងកទាំង ៧នាក់។ នគរបាលបង្ក្រាបបាតុកម្ម និងកងសន្តិសុខប្រមាណ ១០០នាក់ បានបំបែកដោយហិង្សាលើការតវ៉ាដោយអហិង្សានោះ។
សកម្មជនទាំងបីនាក់មាន អ្នកស្រី ហេង ពេជ្យ (បឹងកក់) អ្នកស្រី អ៊ឹម ស្រីទូច (អតីតបឹងកក់) ភួង សុភាព(ថ្មគោល) និងព្រះសង្ឃ ព្រះនាម សឿង ហាយ បច្ចុប្បន្នកំពុងនៅក្នុងសវនាការ លើករណីដាច់ដោយឡែកពីគ្នាចំនួនពីរ នៅសាលាដំបូងរាជធានីភ្នំពេញ។
សវនាការ បានប្រព្រឹត្តិទៅ បន្ទាប់ពីព្រះសង្ឃពីរអង្គត្រូវបានចាប់ និងឃាត់ព្រះកាយនាព្រឹកព្រលឹមថ្ងៃនេះ នៅពេលដែលអ្នកទាំងពីរធ្វើដំណើរទៅគាំទ្រសហគមន៍ដីធ្លីមកពីខេត្តព្រះវិហារ។
- ឯកសារទាក់ទង
- ចំណងជើង & មូលបទ
- សិទិ្ធបញ្ចេញមតិ និងចូលរួម ដោះលែង ១៩ នាក់ សិទ្ធិដីធ្លី
