ក្រុមសង្គមស៊ីវិលចំនួន ៥០ ប្រកាសគាំទ្រពហិការចំពោះក្រុមហ៊ុនទេសចរណ៍ កាពីតូល បន្ទាប់ពីមានការបង្ក្រាបទៅលើសកម្មភាពរបស់សហជីព ដ៏ឃោរឃៅបានកើនឡើង
ចេញផ្សាយ ថ្ងៃទី២៣ ខែកុម្ភៈ ឆ្នាំ២០១៦; ក្រុមសង្គមស៊ីវិល
ជាការឆ្លើយតបទៅនឹងការវាយប្រហារដ៏ឃោរឃៅទៅលើការតវ៉ារបស់កម្មករកាលពីថ្ងៃទី០៦ ខែកុម្ភៈ ឆ្នាំ២០១៦ យើងជាសហជីព តំណាងសហគមន៍ និងអង្គការសង្គមស៊ីវិលមានរាយនាមខាងក្រោម (“សង្គមស៊ីវិល”) សូមប្រកាសគាំទ្រពេញទំហឹងចំពោះការធ្វើពហិការជាបន្តបន្ទាប់ចំពោះក្រុមហ៊ុនកាពីតូល ខូ អិល.ធី.ឌី ដែលគេស្គាល់ថាកាពីតូលទេសចរណ៍ និងសូមអំពាវនាវដល់សាធារណជនទូទៅចូលរួមពហិកានេះជាមួយគ្នា ដោយសារតែក្រុមហ៊ុនបានបណ្តេញចេញនិយោជិតរបស់ខ្លួនដោយពុំត្រឹមត្រូវ និងបង្ក្រាបលើចលនារបស់សហជីព។ ក្រុមហ៊ុនទេសចរណ៍កាពីតូលបានរំលោភយ៉ាងបំពានទៅលើសិទ្ធិការងារ និងសេរីភាពមូលដ្ឋានរបស់និយោជិតខ្លួន ហើយយើងសូមថ្កោលទោសចំពោះទង្វើរបស់ក្រុមហ៊ុននេះ។
ម្យ៉ាងទៀត យើងសូមរំលឹកសារជាថ្មីនូវ ការថ្កោលទោស ចំពោះហិង្សាដ៏ឃោឃៅកើតឡើងកាលពីថ្ងៃទី០៦ ខែកុម្ភៈ ឆ្នាំ២០១៦ ដែលបង្កដោយសមាជិករបស់សមាគមរួមគ្នាដើម្បីអភិវឌ្ឍន៍កម្ពុជា (“ស.រ.អ.ក”) ដែលមានទំនាក់ទំនងជាមួយក្រុមហ៊ុនទេសចរណ៍កាពីតូល ព្រមទាំងភាពអសកម្មរបស់នគរបាលដែលមិនបានរារាំងបញ្ឈប់អំពើហិង្សា។ យើងសូមទទូចឲ្យសាលាដំបូងរាជធានីភ្នំពេញ មេត្តាចាត់វិធានការដើម្បីធានាឱ្យអ្នកទាំងនោះទទួលខុសត្រូវចំពោះអំពើហិង្សានេះ ដោយអនុលោមតាមច្បាប់ និងធានាថារាល់ការចោទប្រកាន់ទៅលើជនរងគ្រោះដែលគ្មានកំហុស អ្នកដែលឈរមើលព្រឹត្តិការណ៍ និងមេដឹកនាំសហជីពឯករាជ្យទាំងអស់ត្រូវបានទំលាក់ចោល។
ក្រុមហ៊ុនទេសចរណ៍កាពីតូលបានបដិសេធដាច់ខាតក្នុងការអនុញ្ញាតឱ្យនិយោជិតរបស់ខ្លួនបង្កើតសហជីព បើទោះជាពួកគេមានសិទ្ធិស្របច្បាប់ក្នុងការបង្កើតសហជីពក៏ដោយ។ មកដល់ថ្ងៃទី០៨ ខែធ្នូ ឆ្នាំ២០១៥ ក្រុមហ៊ុនទេសចរណ៍កាពីតូលបានបណ្តេញអ្នកបើកបរចំនួន ៤៥ នាក់ បន្ទាប់ពីអ្នកទាំងនោះបានគាំទ្រ និងព្យាយាមបង្កើតសហជីពដើម្បីទាមទារលក្ខណ្ឌការងារល្អប្រសើរ។ បើទោះបីជាក្រុមប្រឹក្សាអាជ្ញាកណ្តាលបានចេញ សេចក្តីបញ្ជាកាលពីថ្ងៃទី២៩ ខែកក្កដា ឆ្នាំ២០១៥ ឲ្យក្រុមហ៊ុនអនុញ្ញាតឲ្យកម្មករចូលធ្វីការវិញ និងដីការសម្រេចរក្សាការពាររបស់សាលាដំបូងរាជធានីភ្នំពេញចុះថ្ងៃទី៣១ ខែ កក្កដា ឆ្នាំ២០១៥ ឲ្យកម្មករចូលធ្ធើការវិញក្នុងរយៈពេល៤៨ម៉ោងក៏ដោយ ក៏ភាគីក្រុមហ៊ុនមិនអនុវត្តតាមនីតិវិធីច្បាប់ ហើយបានបន្តយាយីដល់អតីតអ្នកបើកបរទាំងនោះដែលព្យាយាមអនុវត្តសិទ្ធិការងារ និងសេរីភាពមូលដ្ឋានរបស់ខ្លួន។ ការបណ្តេញអតីតអ្នកបើកបររថយន្តទាំងនេះ និងការបង្ក្រាបទៅលើសកម្មជនផ្សេងទៀតបាននាំឱ្យមានការតវ៉ាជាបន្តបន្ទាប់នឹងក្រុមហ៊ុនទេសចរណ៍កាពីតូល។
ព្រឹត្តិការណ៍ហិង្សានាពេលថ្មីៗបានកើតឡើងនៅថ្ងៃទី០៦ ខែកុម្ភៈ ឆ្នាំ២០១៦ នៅខាងក្រៅទីស្នាក់ការក្រុមហ៊ុនទេសចរណ៍កាពីតូលក្នុងខណ្ឌ៧មករា រាជធានីភ្នំពេញ ក្នុងអំឡុងពេលការតវ៉ាដោយសន្តិវិធីរបស់អតីតក្រុមអ្នកបើកបររថយន្តប្រមាណចំនួន ៥០ នាក់និងអ្នកគាំទ្រពួកគេ។ អ្នកបើកបររ៉ឺម៉កទេសចរណ៍មួយក្រុមមានគ្នាប្រហែលចំនួន៥០ នាក់បានវាយនឹងដំបង របាដែក និងញញួរ និងស្នាប់ដៃយ៉ាងដំណំទៅលើអ្នកតវ៉ាដែលបានធ្វើឲ្យមនុស្សចំនួន ១៤ នាក់រងរបួស។ ព្រឹត្តិការណ៍ទាំងមូលត្រូវបានអ្នកឃ្លាំមើលសិទ្ធិមនុស្សថតបានជាវីដេអូឃ្លីប។ បើទោះជាមានអំពើហិង្សាឃោរឃៅនេះក្តី នគរបាលមិនបានអន្តរាគមន៍ និងមានការលើកឡើងថាមាននគរបាលមួយចំនួនបានចូលរួមក្នុងអំពើហិង្សានោះទៀតផង។ អ្នកបង្កអំពើហិង្សាទាំងនោះមិនត្រូវបានចាប់ខ្លួនឡើយ ចំណែកឯជនរងគ្រោះចំនួនពីរនាក់ត្រូវបានចាប់ខ្លួនក្នុងអំឡុងពេលតវ៉ានោះ ហើយត្រូវបាន ចោទប្រកាន់នៅថ្ងៃទី០៨ ខែកុម្ភៈ ឆ្នាំ២០១៦ ពីបទរារាំងអាជ្ញាធរសាធារណៈនិងរារាំងចរាចរណ៍។ នៅថ្ងៃដដែល មេដឹកនាំសហជីពលេចធ្លោចំនួនបួននាក់ រួមមាន លោក អាត់ ធន់ ប្រធានសហភាពការងារកម្ពុជា លោកគង់ អាទិត្យ អគ្គលេខាធិការសហភាពការងារកម្ពុជាលោក សុខ ឈុនអឿង ប្រធានសមាគមសេដ្ឋកិច្ចក្រៅប្រព័ន្ធកម្ពុជា និងលោក អៀន គឹមហ៊ុន លេខាធិការនៃសហព័ន្ធសហជីពកម្មករវិស័យដឹកជញ្ជូនកម្ពុជា ក៏ត្រូវបាន ចោទប្រកាន់ ពីបទល្មើសចំនួនបីដូចគ្នាផងដែរ បើទោះបីជាពួកគាត់មិនមានវត្តមាននៅក្នុងព្រឹត្តិការណ៍កាលពីថ្ងៃទី០៦ កុម្ភៈ ឆ្នាំ២០១៦ នោះក៏ដោយ ។
អំពើហិង្សានេះបានប្រព្រឹត្តដោយផ្ទាល់ពីសំណាក់ក្រុមអ្នកបើកបររ៉ឺម៉កទេសចរណ៍ដែលមានទំនាក់ទំនងជាមួយស.រ.អ.ក ដែលមានប្រវត្តិតវ៉ាប្រឆាំងនឹងក្រុមអង្គការសង្គមស៊ីវិលឯករាជ្យ។ ស.រ.អ.ក មានទំនាក់ទំនងយ៉ាងជិតស្និទ្ធជាមួយនឹងរាជរដ្ឋាភិបាល និងសាលារាជធានីភ្នំពេញ ដែលបានជួយឲ្យក្រុមនេះចុះកិច្ចសន្យាជាមួយក្រុមហ៊ុនជាច្រើនក្នុងនោះរួមមានក្រុមហ៊ុនទេសចរណ៍កាពីតូល និងផ្សារទំនើបអ៊ីអនផងដែរ។ នាពេលកន្លងមក ស.រ.អ.ក បានធ្វើបាតុកម្មនៅខាងមុខ ការិយាល័យសង្គមស៊ីវិល មួយចំនួនជាការឆ្លើយតបទៅនឹងការគាំទ្ររបស់គេដល់សកម្មជនដីធ្លីនៅសហគមន៍បឹងកក់ ដែលបានជាប់ពន្ធនាគារ គឺលោកស្រី យ៉ោម បុប្ផា។ យើងជឿជាក់ថា សកម្មភាពដែលធ្វើឡើងដោយ សមាជិក ស.រ.អ.ក កាលពីថ្ងៃទី០៦ ខែកុម្ភៈ ឆ្នាំ២០១៦ មិនបង្ហាញអំពីឆន្ទៈភាគច្រើនរបស់សមាជិក ស.រ.អ.ក នោះទេ ដូច្នេះយើងអំពាវនាវឲ្យសមាជិក ស.រ.អ.ក ថ្កោលទោសអំពើហិង្សានេះ និងអោយថ្នាក់ដឹកនាំរបស់ ស.រ.អ.ក ទទួលខុសត្រូវទៅលើការវាយប្រហារនេះ។
ហេតុការណ៍នាពេលថ្មីៗនេះបង្ហាញពីការវិវត្តគួរឲ្យព្រួយបារម្ភមួយចំនួនដូចជា ការបញ្ឈប់បុគ្គលិកដែលមានបំណងអនុវត្តសិទ្ធិស្របច្បាប់របស់ខ្លួនក្នុងការបង្កើតសហជីព ការប្រើក្រុមមនុស្សដើម្បីប្រព្រឹត្តអំពើហិង្សាដ៏ឃោរឃៅជួសមុខឲ្យក្រុមហ៊ុន ការបណ្ដែតបណ្ដោយរបស់អាជ្ញាធរចំពោះអំពើហិង្សាដោយបរាជ័យក្នុងការធ្វើអន្តរាគមន៍ និងការមិនគោរពតាមសេចក្តីសម្រេចរបស់ក្រុមប្រឹក្សាអាជ្ញាកណ្ដាល។ ការយាយីតាមប្រព័ន្ធតុលាការមកលើថ្នាក់ដឹកនាំសហជីពទាំង៤ នាក់គឺបង្ហាញពីការបង្ក្រាបជាប្រព័ន្ធរបស់រាជរដ្ឋាភិបាលទៅលើចលនាសហជីពទាំងមូលផងដែរ។ ប្រការនេះកំពុងតែធ្វើឲ្យមានការព្រួយបាម្ភយ៉ាងខ្លាំង ជាពិសេសទាក់ទងនឹងមាត្រា ២៩ នៃសេចក្តីស្នើច្បាប់ស្តីពីសហជីពដែលផ្ដល់សិទ្ធឲ្យធ្វើការរំលាយសហជីពមួយបានចំពោះ “ការប្រព្រឹត្តមិនត្រឹមត្រូវ” របស់ថ្នាក់ដឹកនាំណាម្នាក់។
យើងសូមទាមទារឱ្យក្រុមហ៊ុនទេសចរណ៍កាពីតូលទទួលខុសត្រូវតាមផ្លូវច្បាប់ចំពោះការរំលោភបំពានសិទ្ធិការងារ និងសេរីភាពមូលដ្ឋានរបស់និយោជិតខ្លួន។ យើងក៏សូមស្នើឲ្យសាលាដំបូងរាជធានីភ្នំពេញចាត់វិធានការដើម្បីធានាថា ក្រុមហ៊ុនទេសចរណ៍កាពីតូលមិនទទួលបាននិទណ្ឌភាពចំពោះទង្វើរបស់ខ្លួន និងធានាថាសិទ្ធិរបស់ជនរងគ្រោះត្រូវបានគោរពត្រឹមត្រូវស្របតាមវិធាននីតិរដ្ឋ។ ប្រសិនបើមិនទទួលបានតាមលក្ខខណ្ឌទាមទារខាងក្រោមនេះទេ យើងនៅតែអំពាវនាវឲ្យសាធារណជនចូលរួមធ្វើពហិការប្រើប្រាស់សេវាក្រុមហ៊ុនទេសចរណ៍កាពីតូល៖
▪ ទម្លាក់ចោលបទចោទប្រឆាំងនឹងអ្នកតវ៉ា និងថ្នាក់ដឹកនាំសហជីពទាំងប្រាំមួយនាក់ជាបន្ទាន់
▪ ចោទប្រកាន់ដល់ជនដែលប្រព្រឹត្តអំពើហិង្សាមកលើអ្នកតវ៉ា
▪ ទទួលយកអតីតអ្នកបើកបរទាំង ៤៥ នាក់ដែលត្រូវបានបញ្ឈប់ឱ្យចូលបម្រើការងារនៅក្រុមហ៊ុនកាពីតូលវិញ និងគិតប្រាក់រំលឹកគិតចាប់ពីថ្ងៃបញ្ឈប់រហូតដល់ថ្ងៃចូលធ្វើការវិញ។
ជាងនេះទៅទៀត យើងសូមអំពាវនាវដល់សាធារណជនចូលរួមពហិការដើម្បីគាំទ្របុគ្គលិកទាំង ៤៥ ដែលត្រូវបានបណ្តេញចេញពីក្រុមហ៊ុនកាពីតូល ដែលជាជនរងគ្រោះនៃអំពើឃោរឃៅកាលពីថ្ងៃទី០៦ ខែកុម្ភៈនិងចលនាសហជីពទាំងមូល។
ក្រុមសង្គមស៊ីវិលដែលគាំទ្រសេចក្តីថ្លែងការណ៍នេះ រួមមាន ៖
ល.រ នាមអង្គការសង្គមស៊ីវិល នាមអ្នកចូលរួម លេខទំនាក់ទំនង
១ សម្ព័ន្ធគណនេយ្យភាពសង្គមកម្ពុជា(ANSA Cambodia) លោក សន ជ័យ 012 445 642
២ ក្រុមការងារដើម្បីដោះស្រាយទំនាស់ (ACT) កញ្ញា ស្រី សុធាវី 017 990 371
៣ មជ្ឈមណ្ឌលអាមេរិចកាំងសម្រាប់សាមគ្គីភាពការងារអន្តរជាតិ (មជ្ឈមណ្ឌលសាមគ្គីភាព)វីលៀម ខនខ្លីន 077 222 020
៤ សហគមន៍បូឌីញ អ្នកស្រី ឌី សុផាន់ណាម៉ារ៉ានី 012 216 805
៥ សហគមន៍ដីធ្លីបឹងកក់(ភ្នំពេញ) អ្នកស្រី ទេព វន្នី 012 604 648
៦ សហគមន៍បឹងត្របែក លោក ឃុត ប៊ុនថាន 012 214 237
៧ សហគមន៍បុរីកីឡា អ្នកស្រី ឆាយ គឹមហ៊ន 017 522 303
៨ អង្គការអភិវឌ្ឍន៍សំលេងសហគមន៍ (BCV) លោកស្រី ព្រី ផល្លីភួង 012 307 027
៩ សមាគមអភិវឌ្ឍន៍ជីវភាពពលរដ្ឋកម្ពុជា អ្នកស្រី កេន ឆេងឡាង 012 366 859
១០ សហព័ន្ធសហជីពកម្មករវិស័យដឹកជញ្ជូនកម្ពុជា (CTWF) លោក អៀន គឹមហ៊ុន 010 379 253
១១ សម្ព័ន្ធសហជីពកម្ពុជា (CATU) លោកស្រី យ៉ាង សោភណ្ឌ 089 336 601 និង 016 930 706
១២ មជ្ឈមណ្ឌលសិទ្ធិមនុស្សកម្ពុជា (CCHR) អ្នកស្រី ឆាយ ឈុនលី ០១៧ ៥២៨ ០២១
១៣ មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) លោក ប៉ា ងួនទៀង 012 598 066
១៤ បណ្តាញកម្មករធ្វើការងារតាមផ្ទះកម្ពុជា អ្នកស្រី យឹម សុធី 078 711 494
១៥ សហព័ន្ធសហជីពកម្មករចំណីអាហារ និងសេវាកម្ម កម្ពុជា លោក កង រីណា 012 247 272
១៦ គណៈកម្មាធិការប្រព្រឹត្តិកម្ម នៃ អង្គការ~សមាគមការពារសិទ្ធិមនុស្សកម្ពុជា (CHRAC)លោក សួន ប៊ុនស័ក្តិ 092 344 357
១៧ សមាគមអាដហុក ការពារសិទ្ធិមនុស្ស និងអភិវឌ្ឍន៍នៅកម្ពុជា (ADHOC) លោក ធន់ សារ៉ាយ 016 440 044
១៨ សមាគមមន្រ្តីរាជការឯករាជ្យកម្ពុជា (CICA) លោក ឃុន រ៉ាន់ 016 909 384
១៩ សមាគមកម្មករសេដ្ឋកិច្ចក្រៅប្រពន្ឋ័កម្ពុជា (CIWA) លោក សុខ ឈុនអឿង 093 716 653 012 716 653
២០ សហភាពការងារកម្ពុជា (CLC) លោក អាត់ ធន់ 012 998 906
២១ សម្ព័ន្ធខ្មែរជំរឿន និងការពារសិទ្ធិមនុស្ស លីកាដូ (LICADHO) អ្នកនាង ណាលី ពីឡូក 012 803 650
២២ បណ្ដាញយុវជនកម្ពុជា (CYN) លោក ទឹម ម៉ាឡៃ 017 990 689
២៣ សង់ត្រាល់ (CENTRAL) លោក មឿន តុលា 093 556 643
២៤ សម្ព័ន្ធដើម្បីសុចរិតភាព និង គណនេយ្យភាពសង្គម (CISA) លោក ហ៊ីម យន់ 012 947 022
២៥ សម្ព័ន្ធសហគមន៍កសិករកម្ពុជា (CCFC) លោក ថេង សាវឿន 015 225 088
២៦ គណៈកម្មាធិការ ដើម្បីការបោះឆ្នោត ដោយសេរី និងយុត្តិធម៌នៅកម្ពុជា (COMFREL) លោក គល់ បញ្ញា 012 942 017
២៧ មជ្ឈមណ្ឌលអប់រំច្បាប់សម្រាប់សហគមន៍ (CLEC) លោក ញឹក សារិន 012 800 561
២៨ DAN Church Aid (DCA)
២៩ Diakonia អ្នកស្រី ណេវ៉ា ធួន 012 465 117
៣០ សហគមន៍បណ្តាញអតីតស្រ្តីបឹងកក់ អ្នកស្រី អ៊ីម ស្រីទូច 070 306 607
៣១ អង្គការយេនឌ័រ និងអភិវឌ្ឍន៍នៅកម្ពុជា (GADC) លោកស្រី រស់ សុភាព 012 627 857
៣២ ក្រុមការងារពិសេសសិទ្ធិលំនៅឋាន (HRTF) លោក សៀ ភារម្យ 012 852 325
៣៣ សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA) លោក វន់ ពៅ 012 534 796
៣៤ យុវជនជនជាតិដើមភាគតិច ឃុំប្រមេ ស្រុកត្បែងមានជ័យខេត្តព្រះវិហារ លោក លូត សាង 097 456 6466
៣៥ សមាគម ឥន្ទ្រទេវី (IDA) លោកស្រី ឌី រដ្ឋា 012 897 161
៣៦ សមាគមយុវជនខ្មែរ (KYA) លោកស្រី សិទ្ធ ហុងអៀង 017 788 955
៣៧ សហគមន៍ដីធ្លីភូមិ ១ ក្រុងព្រះសីហនុ អ្នកស្រី ហង្ស ចិន្តា 012 680 435
៣៨ សហគមន៍ដីធ្លី ភូមិព្រែកជីក ឃុំជី២ក្រោម ខេត្តកោះកុង អ្នកស្រី ផាវ ញ៉ឹង 093 456 704
៣៩ សហគមន៍ដីធ្លីឡពាង ខេត្តកំពង់ឆ្នាំង អ្នកស្រី អ៊ំ សុភី 078 705 936
៤០ អង្គការមាតាធម្មជាតិ (MN លោក អាឡិចហ្សង់ដ្រូ ហ្គុនហ្សាឡេហ្ស ដាវីដសុន
៤១ មជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព (PDP-Center) លោក យ៉ង់ គឹមអេង 016 828 211
៤២ អង្គការពន្លកខ្មែរ (Ponlok Khmer លោក អាង ជាតិឡោម 012 517943
៤៣ សហគមន៍ផ្លូវរថភ្លើងទួលសង្កែ A លោក ស៊ីម វីរៈ 069 907 983
៤៤ សមាគមធាងត្នោត (STT) លោក អ៊ី សារុំ 012 836 533
៤៥ សហគមន៍ SOS ព្រលានយន្តហោះអន្តរជាតិភ្នំពេញ អ្នកស្រី ច្រាយ នីម 016 536 900
៤៦ ស្តារកម្ពុជា (SK) អ្នកស្រី ជេត ចរិយា 012 802 460
៤៧ អង្គការស្ត្រីខ្មែរ (SKO លោកស្រី អរុណ រស្មី 012 236 653
៤៨ សហព័ន្ធសហជីពកម្មករសំណង់និងព្រៃឈើកម្ពុជា (BWTUC) លោក សុខ គីន 012 736 270
៤៩ សហព័ន្ធបុគ្គលិកទេសចរកម្ពុជា (CTSWF លោក ម៉ម រិទ្ធី 012 411 755
៥០ អង្គការកម្មវិធីអភិវឌ្ឍន៍ធនធានយុវជន (YRDP) លោក ជាង សុខា 011 928 418
សេចក្តីថ្លែងការណ៍នេះគាំទ្រដោយ៖
១. Affiliated Network for Social Accountability Cambodia (ANSA Cambodia)
២. Alliance for Conflict Transformation (ACT)
៣. American Center for International Labor Solidarity (Solidarity Center)
៤. Bodinh Community
៥. Boeung Kak Community
៦. Boeung Trabek Community
៧. Borei Keila Community
៨. Building Community Voice (BCV)
៩. Cambodia Development People Life Association
១០. Cambodia Transportation Workers Federation (CTWF)
១១. Cambodian Alliance Trade Unions (CATU)
១២. Cambodian Center for Human Rights (CCHR)
១៣. Cambodian Center for Independent Media (CCIM)
១៤. Cambodian Domestic Workers Network (CDWN)
១៥. Cambodian Food and Service Workers' Federation (CFSWF)
១៦. Cambodian Human Rights Action Committee (CHRAC)
១៧. Cambodian Human Rights and Development Association (ADHOC)
១៨. Cambodian Independent Civil-Servants Association (CICA)
១៩. Cambodian Informal Economic Workers Association
២០. Cambodian Labour Confederation (CLC)
២១. Cambodian League for the Promotion & Defense of Human Rights (LICADHO)
២២. Cambodian Youth Network (CYN)
២៣. Center for Alliance of Labor and Human Rights (CENTRAL)
២៤. Coalition for Integrity & Social Accountability (CISA)
២៥. Coalition of Cambodian farmer Community (CCFC)
២៦. Committee for Free and Fair Election in Cambodia (COMFREL)
២៧. Community Legal Education Center (CLEC)
២៨. DanChurch Aid (DCA)
២៩. Diakonia
៣០. Former Boeung Kak Women Network Community
៣១. Gender and Development for Cambodia (GADC)
៣២. Housing Rights Task Force (HRTF)
៣៣. Independent Democratic Association of Informal Economic (IDEA)
៣៤. Indigenous Youth at Brome Commune, Preah Vihear Province
៣៥. Indradevi Association (IDA)
៣៦. Khmer Youth Association (KYA)
៣៧. Land Community, I Village Preah Sihanouk Province
៣៨. Land Community, Prek Chik Village, Koh Kong Province
៣៩. Lor Peang community, Kampong Chhnang Province
៤០. Mother Nature
៤១. People Center for Development and Peace (PDP-Center)
៤២. Ponlok Khmer
៤៣. Railway Station, Toul Sangkae A community
៤៤. Samakum Teang Tnaut (STT)
៤៥. SOS International AirPort Community
៤៦. Star Kampuchea (SK)
៤៧. Strey Khmer Organization (SKO)
៤៨. The Building and Wood Workers Trade Union (BWTUC)
៤៩. The Cambodian Tourism and Service Workers Federation (CTSWF)
៥០. Youth Resource Development Program (YRDP)
PDF៖ ទាញយកសេចក្តីថ្លែងការណ៍ជាភាសាអង់គ្លេស - ទាញយកសេចក្តីថ្លែងការណ៍ជាភាសាខ្មែរ
MP3៖ ស្តាប់សំឡេងជាភាសាខ្មែរ
- ឯកសារទាក់ទង
- ចំណងជើង & មូលបទ
- តុលាការ និងនីតិរដ្ឋ សិទិ្ធបញ្ចេញមតិ និងចូលរួម សិទ្ធិការងារ
